पेरिस । शीर्ष वरीयताका सर्वियन नोभाक जोकोभिच विम्बल्डन टेनिसको फाइनलमा प्रवेश गर्नुभएको छ जोकोभिचले घरेलु खेलाडी क्यामरोन नोरीमाथि ३-१ को सेटमा जित निकाल्दै आठौंपटक विम्बल्डनको फाइनलमा स्थान बनाउनुभएको हो ।
शुक्रबार राती भएको सेमिफाइनलको सुरुवाती सेट २-६ ले गुमाउनुभएका उहाँले त्यसपछि तीन सेट ६-३, ६-२ र ६-४ ले सहजै आफ्नो पक्षमा पार्दै कीर्तिमानी ३२औँ पटक ग्रान्डस्लामको फाइनलमा प्रवेश गर्नुभएको हो । उहाँले ६ पटक यस प्रतियोगिताको उपाधि उचालिसक्नुभएको छ ।
३५ वर्षीय जोकोभिचले अब २१औँ पटक ग्रान्डस्लाम जित्ने सम्भावना प्रबल छ । राफायल नाडालले कीर्तिमानी २२ औँ पटक ग्रान्डस्लाम जित्नुभएको छ । नाडालले घाइते हुँदै मैदान छाडेपछि जोकोभिचको सम्भावना बढेको हो ।
२०औँ पटकको ग्रान्डस्लाम च्याम्पियन जोकोभिचले अब उपाधिका लागि आइतबार अस्ट्रियन निक किर्गियोससँग प्रतिस्पर्धा गर्नुहुनेछ । नाडालले पेटको चोटका कारण सेमिफाइनलबाट आफ्नो नाम फिर्ता लिएपछि किर्गियोस फाइनलमा पुग्नुभएको थियो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच