लन्डन । भारतले दोस्रो टी-२० अन्तर्राष्ट्रिय खेलमा घरेलु टोली इंग्ल्यान्डमाथि ४९ रनको सानदार जित हात पारेको छ । योसँगै भारतले तीन टी-२० आई खेलको सिरिजमा एक खेलअगावै कब्जा जमाएको छ । जितका लागि १७१ रनको मध्यम विजयी लक्ष्य पछ्याएको इंग्ल्यान्ड १७ ओभरमा १२१ रनमा अलआउट भयो । इंग्ल्यान्डका मोइन अलीले २१ बलमा ३ चौका र २ छक्कासहित सर्वाधिक ३५ रन बनाउनुभयो । डेविड विली २२ बलमा ३ चौका र २ छक्कासहित सर्वाधिक ३३ रनमा अविजित रहनुभयो ।
भारतका भुवनेश्वर कुमारले ३ ओभरमा १ मेडनसहित १५ रन खर्चेर ३ विकेट लिनुभयो । यस्तै जस्प्रित बुमराहले ३ ओभरमा १ मेडनसहित १० रन खर्चेर २ तथा युजभेन्द्र चहलले २ ओभरमा १० रन खर्चेर २ विकेट लिनुभयो । हर्षल पटेल र हार्दिक पान्ड्याले एक/एक विकेट हात पार्नुभयो । त्यसअघि बर्मिंघममा क्रिकेट मैदानमा टस हारेर ब्याटिङको निम्तो पाएको भारतले निर्धारित २० ओभरमा ८ विकेट गुमाउँदै १७० रन बनाएको थियो । भारतका रविन्द्र जडेजाले २९ बलमा ४ चौकासहित सर्वाधिक ४६ रन जोड्नुभयो । यस्तै कप्तान रोहित शर्माले २० बलमा ३ चौका र २ छक्कासहित ३१ रन बनाउनुभएको थियो ।
इंग्ल्यान्डका रिचर्ड ग्लिसनले ४ ओभरमा १ मेडनसहित १५ रन खर्चेर तीन विकेट लिनुभयो । क्रिस जोर्डनले ४ ओभरमा २७ रन खर्चेर ४ विकेट लिनुभयो । पहिलो खेलमा भारत ५० रनले विजयी भएको थियो । तेस्रो खेल आइतबार हुनेछ । त्यसपछि तीन ओडिआई खेलको सिरिज हुनेछ । एजेन्सी ।
युवा जनशक्ति निर्यात गर्ने देश
बिक्रीमा विद्यावारिधि ?
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
प्राकृतिक चिकित्सालय र योग चौतारीबीच
हिमालय टाइम्स र नियमित लेखनका