काठमाडौं । उद्योग वाणिज्य तथा आपूर्तिमन्त्री दिलेन्द्रप्रसाद बडूले सुुनचाँदी व्यवसाय सञ्चालनका लागि आवश्यक नीति बनाउन सरकार तयार रहेको बताउनुभएको छ ।
नेपाल सुनचाँदी व्यवसायी महासंघका अध्यक्ष माणिकरत्न शाक्य नेतृत्वको प्रतिनिधिमण्डलसँगको भेटका क्रममा उहाँले आमउपभोक्ता र व्यवसायीको हक अधिकारको सुनिश्चितताका लागि सरकार प्रतिबद्ध भएको बताउनुभयो ।
मन्त्री बडूले सुनचाँदी व्यवसायीले उठाउँदै आएको सुनचाँदी कारोबार ऐन तर्जुमाका लागि मन्त्रालयतर्फबाट शीघ्र पहल गर्न पनि सम्बद्ध निकायलाई निर्देशन दिनुभएको महासंघले जनाएको छ ।
महासंघ अध्यक्ष शाक्यले सुनचाँदी व्यवसायको क्षेत्रमा देखिएका विभिन्न समस्याबारेमा मन्त्री बडूलाई जानकारी गराउनुभएको महासंघका प्रवक्ता मनोजकुमार शाहले बताउनुभयो । शाहका अनुसार कच्चापदार्थ आपूर्ति अवस्था, सुनचाँदीको मूल्य निर्धारण प्रक्रिया, कालिगढ व्यवस्थापन, व्यावसायिक सुरक्षालगायतका बिषयमा छलफल भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच