काठमाडौं । अखिल नेपाल फुटबल खेलाडी संघले अखिल नेपाल फुटबल संघ (एन्फा) सँग पाँचबुँदे माग प्रस्तुत गरेको छ । खेलाडी संघले बिहीबार एन्फा कम्प्लेक्समा ध्यानाकर्षण पत्र बुझाएको हो । संघका अध्यक्ष विक्रम लामाले एन्फाका अध्यक्ष पंकजविक्रम नेम्बाङलाई ध्यानाकर्षण पत्र बुझाउनुभएको थियो ।
संघले खेलाडी प्रशिक्षक विवादमा छानबिन समितिले दिएको सुझावका आधारमा प्रशिक्षकको विषयमा काम अघि बढाउन माग गरेको छ । यस्तै खेलाडीलाई वर्षभरि व्यस्त राख्ने गरी एन्फाको प्रतियोगिता क्यालेन्डर सार्वजनिक गर्न माग गरिएको छ ।
त्यसबाहेक खेलाडी संघले फुटबलको वर्तमान संरचनाले खेलाडी र खेलको विकास सम्भव नभएकाले घरेलु फुटबलको संरचनालाई पुनर्संरचना गर्दै नयाँ खाका तयार गरेर कार्यान्वयन गर्न, खेलाडीको स्वास्थ्य बिमा र स्वास्थ्य उपचारका लागि उचित प्रबन्ध गर्न र घरेलु प्रतियोगिता नहुँदा खेलाडीहरू विदेश जानेक्रम बढेका कारण यथाशीघ्र क्लब फुटबलका कार्यक्रम सार्वजनिक गर्न एन्फासँग माग गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच