विश्व बैंकले १० करोड डलर दिने

Read Time = 1 min

काठमाडौं । विश्व बैंकले नेपाललाई १० करोड डलर आर्थिक सहायता प्रदान गर्ने भएको छ । नेपालको विकास प्रक्रिया दिगो र वातावरणमैत्री बनाउन उक्त सहयोग प्रदान गर्ने भएको हो ।

विश्व बैंकको कार्यकारी निर्देशकको बोर्ड बैठक डेभलपमेन्ट पोलिसी क्रेडिटमार्फत् नेपालको जलवायुमैत्री समावेशी र हरित विकास प्रयोजनका लागि सहयोग उपलब्ध गराउने निर्णय गरेको विश्व बैंक केन्द्रीय कार्यालयले जनाएको छ ।

कोरोनापछिको अवस्थामा विश्व बैंकले नेपालमा वातावरणमैत्री र समावेशी विकासलाई जल, जमिन, कृषि, वन, शहरीकरण, फोहोर व्यवस्थापन तथा प्रदूषणजस्ता क्षेत्रमा नीतिगत कार्यक्रम तय गर्न सो रकम उपलब्ध गराइएको विश्व बैंकका माल्दिभ्स, नेपाल र श्रीलंकाका राष्ट्रिय निर्देशक फारिस हादाद जर्भोसले बताउनुभएको छ । सहयोग रकमले ग्रामीण पूर्वाधार, मानवीय क्षमता र जीवनस्तर सुधारमा योगदान गर्ने विश्व बैंकको अपेक्षा छ ।

Subscribe
Notify of
guest
0 Comments
Inline Feedbacks
View all comments

रिलेटेड न्युज

छुटाउनुभयो कि ?