काठमाडौं । गैरआवासीय संघ (एनआरएनए) अध्यक्ष डा. बद्री केसी र राष्ट्रिय प्रकृति संरक्षण कोषका सदस्य-सचिव शरदचन्द्र अधिकारीलगायतका प्रतिनिधिबीच छलफल भएको छ । सो अवसरमा कोषका सदस्य-सचिव अधिकारीले कोषले स्थापनाकालदेखि गर्दै आएको गतिविधिबारे जानकारी गराउनुभएको थियो ।
खासगरी कोषले झापा, चितवन, बर्दिया शुक्लाफाँटलगायतका विभिन्न तराईका जिल्लामा समुदायमा आधारित वन्य जन्तु संरक्षण, वातावरण संरक्षणलगायतका कार्यक्रमबारेमा जानकारी गराउनुभएको एनआरएनएले जनाएको छ ।
एनआरएनए अध्यक्ष डा. केसीले पनि एनआरएनएले स्थापनाकालदेखि नै सञ्चालन गरेका गतिविधिबारे जानकारी गराउँदै एनआरएनएले कोषसँग पनि सहकार्य गर्न चाहेको बताउनुभयो । उहाँले विदेशमा रहेका गैरआवासीय नेपालीका दोस्रो पुस्तालाई नेपालको वन्यजन्तु संरक्षणमा अध्ययन गर्न र विदेशमा रहेर सोही क्षेत्रमा विज्ञता हासिल गरेका विज्ञसमेत समेटेर लान सुझाव दिनुभएको एनआरएनएले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच