वेस्ट इन्डिजविरुद्धको सिरिज बंगलादेशद्वारा स्लिनस्विप एजेन्सी

Read Time = 2 mins

ढाका । घरेलु टोली वेस्ट इन्डिजविरुद्धको तीन खेलको एकदिवसीय सिरिजमा बंगलादेशले क्लिनस्विप गरेको छ । शनिबार राती भएको तेस्रो तथा अन्तिम खेलमा ४ विकेटको जित निकाल्दै बंगलादेशले सिरिज ३-० ले जितेको हो ।

घरेलु टोलीले दिएको १७९ लक्ष्य बंगलादेशले ६ विकेट गुमाएर ९ बलअगावै पूरा गर्‍यो । भ्रमणकारी टोलीका लिन्टन दासले अविजित रहँदै ५० रनको अर्धशतकीय इनिङ खेल्नुभयो । त्यसबाहेक तमिम इकवालले ३४, नुरुल हुसेन ३२, महमुद उल्लाहले २६ र मेहेदी हसनले १६ रन बनाउनुभयो । वेस्ट इन्डिजका गुडाकेश मोटीले ४ तथा अल्जारी जोसेफ र निकोलस पुरनले समान १/१ विकेट लिनुभयो । त्यसअघि पहिले ब्याटिङ गरेको वेस्ट इन्डिजले ४८ ओभर ४ बलमा अलआउट हुँदै १ सय ७८ रन बनाएको थियो ।

उसका लागि कप्तान निकोलस पुरनले ७३ रनको अर्धशतकीय इनिङ खेल्नुभयो । किएकी कार्टीले ३३ तथा रोमारियो सेफर्डले १९ रन बनाउनुभयो । बंगलादेशका तैजुल इस्लामले ५ तथा नासुल अहमद र मुस्ताफिजुर रहमानले समान २/२ विकेट लिनुभयो ।

Subscribe
Notify of
guest
0 Comments
Inline Feedbacks
View all comments

रिलेटेड न्युज

छुटाउनुभयो कि ?