काठमाडौं । गणेश पाण्डेय निर्देशित बृतचित्र ‘सहायक श्रीमान्’ (को–हजबेन्ड) अमेरिका र भारतको फिल्म फेष्टिभलमा छनौट भएको छ । नेपालको बहुपति प्रथाको विषयमा निर्माण भएको यो वृत्तचित्र अमेरिकाको एटलान्टमा अगष्ट ४ देखि ७ सम्म आयोजना हुने आठौं कब इन्टरनेशनल फिल्म फेष्टिभलमा ‘को–हजबेण्ड’ छानिएको निर्देशक पाण्डेले जानकारी दिनुभयो ।
बहुपति प्रथामा आधारित ३५ मिनेटको यो डकुमेन्ट्री फिल्म कर्णाली प्रदेशको हुम्लामा छायांकन भएको हो । घरमा जति दाजुभाइ छन्, एउटै श्रीमती बिहे गर्ने संसारकै अनौठो चलन अहिले पनि नेपालका कतिपय हिमाली जिल्लामा विद्यमान छ । सोही विषयलाई निर्देशक पाण्डेले पहिलोपटक पर्दामा उतारेका हुन् । हुम्लाको लामा समुदायमा अहिले पनि दाजुभाइका लागि एउटै श्रीमती बिहे गर्ने चलन छ ।
साइन मिडिया प्रालिले निर्माण गरेको यो वृत्तचित्रको लेखन पनि निर्देशन पाण्डेले नै गर्नुभएको हो । त्यस्तै आगामी अगष्ट ३ देखि ६ सम्म भारतको कोलकातामा आयोजना हुने साउथ एसियन सर्ट फिल्म फेष्टिभलमा पनि ‘सहायक श्रीमान्’ छनौट भएको छ । आयोजकका अनुसार फेष्टिभल उद्घाटनकै दिन ‘सहायक श्रीमान्’ प्रदर्शन हुन्छ ।
काठमाडौं इन्टरनेशनल माउण्टेन फिल्म फेष्टिभलबाट यात्रा आरम्भ गरेको ‘को–हजबेण्ड’ ले नेपाल अन्तर्राष्ट्रिय चलचित्र महोत्सवमा एक हजार डलरसहित उत्कृष्ट डकुमेन्ट्री अवार्ड जितेको थियो । विश्वका एक दर्जन बढी फिल्म फेष्टिभलमा छनौट भइसकेको ‘को–हजबेण्ड’ ले स्लोभाकियाको पोपरोडमा आयोजित प्रतिष्ठित २९औं इन्टरनेशनल फिल्म फेष्टिभल अफ माउण्टेन फिल्मस् पोपराडमा अनरेवल मेन्सन अवार्ड जितेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच