म्युनिख । इटालियन क्लब युभेन्ट्सका डिफेन्डर म्याथ्थिज डि लेग्ट जर्मन क्लब बायर्न म्युनिखमा अनुबन्धित हुनुभएको छ । बायर्नले २२ वर्षीय युवा डिफेन्डर म्याथ्थिज डि लेग्टलाई पाँच वर्षका लागि क्लबमा अनुबन्ध गरेको हो ।
बायर्नले डिफेन्डर डि लेग्टका लागि ७७ मिलियन युरो खर्चिएको हो । अब उहाँ २०२७ सम्म एलिएन्ज एरिनामा रहनुहुनेछ । डि लेग्ट सन् २०१९ मा डच क्लब आयाक्सबाट पाँच वर्षका लागि युभेन्ट्समा अनुबन्धित हुनुभएको थियो ।
उहाँले युभेन्ट्समा तीन सिजन बिताउँदै अन्यत्र क्लब रोज्नुभएको थियो । डि लेग्टले युभेन्ट्सबाट ११७ खेल खेल्दा एकपटक सिरी ‘ए’ र एकपटक कोपा इटालियाको उपाधि जित्नुभएको छ । बायर्नले लिभरपुलबाट फरवार्ड साडियो माने र आयाक्सबाट राइट ब्याक नोसाइर माजराउइलाई पनि अनुबन्ध गरिसकेको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच