काठमाडौं । नेपाली सांगीतिक क्षेत्रमा आफ्नो फरक पहिचान बनाउन सबैलाई मुस्किल पर्छ । विशेषतः अरूभन्दा फरक भएर दर्शक तथा श्रोतामाफ चिनिन सबैलाई चाहना हुन्छ । यसैबीच सांगीतिक क्षेत्रमा फरक तरिकाले आफूलाई चिनाउँदै आउनुभएका गायक तथा मोडल हुनुहुन्छ जितबहादुर रावत ।
दर्जनौ गीतसंगीत सिर्जना गरिसक्नुभएका जितबहादुर गायनसँगै मोडलिङतिर व्यस्त हुनुहुन्छ । कुशल कलाकार बन्ने सपना बुनेर सल्यान जिल्लाको त्रिवेनी गाउँबाट काठमाडौं आइपुग्नुभएका जितबहादुरलाई सुन्न र हेर्न चाहने दर्शक धेरै छन् ।
बुबा जगवीर रावत र आमा कुन्ती रावतको एकल छोरा जितबहादुर सानैदेखि गायकमा रुचि भएकै कारण आज गायन पेशामै आफूलाई उभ्भाएको उहाँ बताउनुहुन्छ । जितबहादुरले अझै सांगीतिक क्षेत्रमा आफूले धेरै गर्न बाँकी रहेको र भोलिको दिनमा अझै नयाँ कुरा सिक्दै दर्शक तथा श्रोतामा फरकपन प्रस्तुत गर्ने बताउनुभयो ।
जितबहादुरले दर्जनबढी गीतमा अभिनय गर्नुभएको छ । सल्यानी शुसेली, नशालु आखैमा, हासिदेउ फुलसरी, गरिबी जीवन, सोल्टिनी, मैयालाई बोलाउँदै, मेरी माया गाउँमा, मसान घाटैमा, झिसमिसेमा, दशैँ-तिहार भाग-१, पहिलो प्रेमिका, बिन्तिमेरो, तीज कोसेली, खाडी मुलुक, तिहार भैली (बहिनी कन्याको कथा), आँसु कुना भरी (दशैँ-तिहार गीत), भैलो (बालक राजा), आधुनिक गीत तिम्रो सम्झनामा, छुवाछूत, दैलो, हिजोआज, पर्खाइमा बिते लगायत गीतहरूमा आवाजसँगै अभिनय गर्नुभएको छ । साथै केही सर्ट फिल्म र सिरियलमा समेत उहाँको अभिनय देख्न सकिन्छ ।
उहाँले विष्णु माझी, राजु परियार, पूर्णकला बिसी, टीका पुन, राधिका हमाल, देवी घर्ती, शान्ती श्री परियारलगायत नाम कमाएका कलाकारसँग समेत सहकार्य गरिसक्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच