काठमाडौं । अन्तर्राष्ट्रिय युवा दिवस (१२ अगस्ट)को अवसरमा एक लाख रुपैयाँ राशिको नेपाली गजल प्रतियोगिता आयोजना गरिने भएको छ ।
राष्ट्रिय युवा परिषद्को आयोजना तथा अन्तर्राष्ट्रिय नेपाली गजल मञ्च र अनाममण्डलीको सहकार्यमा गजल प्रतियोगिता गर्न लागिएको हो । परिषदले जानकारी दिएअनुसार विश्वभर रहेका नेपाली गजल लेखिरहेका स्रष्टाहरू प्रतियोगितामा सहभागी हुन सक्नेछन् ।
परिषदकी सङ्घसंस्था समन्वय प्रमुख चन्द्रा थापाका अनुसार हरेक वर्ष परिषदले अन्तर्राष्ट्रिय युवा दिवस सप्ताहव्यापी रूपमा मनाउँदै आएको छ । यस वर्ष पनि युवा लक्षित विभिन्न सिर्जनात्मक कार्यक्रमको आयोजना गरेर उक्त दिवस मनाउन लागिएको उहाँले बताउनुभयो ।
अन्तर्राष्ट्रिय नेपाली गजल मञ्चका अध्यक्ष एवं प्रतियोगिता संयोजक घनेन्द्र ओझाले राज्य तहबाट नेपाली गजलका लागि गरिएको प्रयास सराहनीय भएको भन्दै अन्य प्राज्ञिक, साहित्यिक निकायहरूले पनि गजल समबद्ध सम्मेलन, महोत्सव, गोष्ठी र कार्यशाला गर्नुपर्ने बताउनुभयो ।
प्रतियोगिताका लागि २० साउनभित्र गजलहरू परिषदले दिएको ईमेल nyc2020@gmail.com वा परिषदको कार्यालय सानोठिमी, भक्तपुरमा उपलब्ध गराइसक्नुपर्ने जनाइएको छ ।
२५ साउनमा नेपाल प्रज्ञाप्रतिष्ठानमा आयोजना गरिने कार्यक्रममा छनोटमा परेका गजल वाचन गराइने र २७ साउनमा आयोजना गरिने अन्तर्राष्ट्रिय युवा दिवसको कार्यक्रममा विजयीलाई पुरस्कार र प्रमाणपत्र प्रदान गरिने अनाममण्डलीका अध्यक्ष रूपक अलङ्कारले जानकारी दिनुभयो ।
विजयी प्रथम, द्वितीय, तृतीय र सान्त्वनालाई क्रमशः ४० हजार, ३० हजार, २० हजार र १० हजार रुपैयाँ र प्रमाणपत्र प्रदान गरिने परिषदले जानकारी दिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच