बग्दाद । इराकको राजधानी बग्दादमा उच्च सुरक्षा क्षेत्र तोडेर प्रदर्शनकारीहरू संसद भवन प्रवेश गरेका छन् । प्रहरीले संसद् भवन प्रवेश गरेका प्रदर्शनकारीलाई अश्रुग्यास र पानीको फोहरा प्रयोग गरेर रोक्ने प्रयास गरेको थियो ।
प्रहरीले केही बेर प्रदर्शनकारीलाई रोके पनि अन्ततः उनीहरू संसद भवन प्रवेश गरे । प्रदर्शनकारीहरू प्रवेश गर्दा संसद भवनमा सांसदहरू थिएनन् । संसद भवनभित्र छिरेका प्रदर्शनकारीहरू नाचगान गर्दै टेबलमा सुतेका दृश्यहरू देखिएका छन् ।
धर्मगुरु मुक्तदा अल सदरका समर्थकहरूले विरोधमा प्रदर्शन गरिरहेका छन् । गत अक्टोबरमा भएको आम निर्वाचनमा सदरको पार्टीले सबैभन्दा धेरै सिट जिते पनि सरकार बनाउन सकेको छैन । विगत नौ महिना लामो गतिरोधपछि इरानमा अशान्ति सुरु भएको छ ।
राजनीतिक समूहहरूबीचको विवादका कारण निर्वाचनमा बहुमत पाए पनि नयाँ सरकार गठन हुन सकेको छैन । सन् २०१६ मा पनि इराकको संसद भवनमा प्रदर्शनकारीहरू प्रवेश गरेका थिए । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच