-चिसाङ शेर्पा
खोटाङ । खोटाङको साकेला गाउँपालिका-५ मात्तिमविर्ता केन्द्रविन्दु भएर गएको भूकम्पले जिल्लाभर तीन विद्यालय भवन, एक प्रहरी चौकीसहित ४७६ घर चर्किएको छ । एक घर पूर्णरुपमा भत्किएको छ ।
आइतबार बिहान ८ बजेर १३ मिनेटमा गएको ६ म्याग्निच्युडको भूकम्पको इपिसेन्टर साकेला गाउँपालिका-५ मात्तिमविर्तामा ८० घर, साकेला गाउँपालिका-१ बाझेच्यानडाँडामा १३४ घर, साकेला गाउँपालिका-४ मात्तिममा १०५ घर, साकेला गाउँपालिका-२ रतन्छामा ८८ घर र साकेला गाउँपालिका-३ खिदिमामा ५८ चर्किएको छ ।
साकेला गाउँपालिका-३ खिदिमाको नवज्योति प्राविको चार कोठे, केपिलासगढी गाउँपालिका-५ सप्तेश्वरको थर्पुडाँडा माविको चार कोठे भवन, दिक्तेल रुपाकोट मझुवागढी नगरपालिका-३ बाम्राङको सुर्केडाँडा निमाविको चार कोठे भवन चर्किएको छ ।
केपिलासगढी गाउँपालिका-२ खार्ताम्छामा प्रहरी चौकी भवन चर्किएको प्रमुख जिल्ला अधिकारी सूर्यप्रसाद सेडांईले जानकारी दिनुभयो ।
हलेसी तुवाचुङ नगरपालिका-५ दुर्छिमस्थित चुमाखुका तेजबहादुर नेपालीको घर पूर्णरुपमा भत्किएको छ । भूकम्पको सम्पूर्ण क्षतिको विवरण तीन दिनभित्र पठाउन सबै स्थानीय तहहरूलाई आग्रह गरिएको प्रजिअ सेडांईले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच