काठमाडौं । अरहान्त केशर सिम्हा र अमृत थापामगरले चौंथो संस्करणको धनलक्ष्मी महर्जन मेमोरियल राष्ट्रिय स्क्वास प्रतियोगिताको फाइनलमा स्थान बनाउन सफल हुनुभएको छ । सातदोबाटोस्थित स्क्वास कोर्टमा शुक्रबार भएको पुरुष खुलातर्फको सेमिफाइनलमा अरहान्तले अमिर ब्लोनलाई ३-० ले पराजित गर्नुभयो ।
अर्को सेमिफाइनलमा अमृतले दीपक थापालाई ३-० ले नै हराएर अरहान्तसँगको भेट पक्का गर्नुभयो । महिला एकलतर्फ विपना ब्लोन र कृष्णा थापाले फाइनलमा स्थान बनाउनुभयो । विपनाले उदयमान खेलाडी स्वस्थानी श्रेष्ठलाई ३-० ले हराउनुभयो ।
यस्तै कृष्णाले भावना सुनुवारलाई ३-० ले हराएर फाइनलमा स्थान पक्का गर्नुभयो । प्लेटतर्फ प्रज्वल प्रकाश प्रधानले धीर पुनलाई ३-१ ले र सुदीपबहादुर सिंहले दिलिप अधिकारीलाई ३-० ले हराएर फाइनलमा स्थान पक्का गर्नुभयो । त्यस्तै ब्वाइज यु-१९ तर्फ विकास मगरले पासाङ लामालाई ३-१ ले हराएर फाइनलमा स्थान बनाउनुभयो । यसै विधामा गोपाल थापाले सलिम थापामगरलाई ३-० ले पराजित गर्दै फाइनलमा स्थान पक्का गर्नुभयो ।
प्रतियोगिताको पुरुषतर्फको विजेताले २५ हजार, उपविजेताले १५ हजार र तेस्रोले नौ-नौ हजार पाउनुहुनेछ । महिलातर्फ विजेताले १८ हजार, उपविजेताले ११ र तेस्रोले ७-७ हजार पाउनुहुनेछ । यस्तै जुनियरतर्फ विजेताले १० हजार, उपविजेताले ६ हजार र तेस्रोले चार-चार हजार पाउनुहुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच