काठमाडौं । आज साउन महिनाको चौथो सोमबार । विहानैदेखि पशुपतिनाथसहित देशभरका शिवालयमा भक्तजनको भीड लागेको छ ।
साउने सोमबारका अवसरमा बिहान ३ बजेदेखि नै पशुपतिका चारै ढोका खोलिएको पशुपति क्षेत्र विकास कोषले जनाएको छ ।
साउने सोमबारको ब्रत बस्नुका साथै भगवान शिवको पूजा आराधना गर्नाले मनोकांक्षा पूरा हुने र घर परिवारमा सुख, शान्ति र समृद्धि छाउने विश्वासका साथ विहानैदेखि शिवालयमा भक्तजनको भीड लागेको हो ।
हिन्दु धर्मावलम्बी महिलाहरूले साउने सोमबारलाई विशेष धार्मिक दिनका रुपमा लिने गर्दछन् । साउने सोमबारमा महिलाहरुले भगवान शिवको उपासना गर्दै निराहार ब्रत बस्ने गर्छन् ।
सोमबार भगवान् शिवको विशेष दिन मानिन्छ । अझ श्रावण महिना र सोमबारको विशेष महत्व छ । श्रावण महिना शिवजीको महिना र सोमबार स्वामीको रुपमा लिइने गर्छन । शवको अर्थ कल्याण हो ।
विधिपूर्वक शिवको आराधना गर्दा सबैको कल्याण चाहने शिव तत्काल प्रसन्न हुन्छन् र मनोकामना पूर्ण गरिदिन्छन् भन्ने विश्वास छ ।’त्यसो त देवताहरूमा सर्बोत्कृष्ट भगवान शिवको उपासना गर्ने परम्परा वैदिककालदेखि नै चलेको पाइन्छ ।
साउने सोमबारका दिन पशुपतिनाथसहित, म्याग्दीको गलेश्वर, जनकपुरधाम स्थित कपिलेश्वरनाथ, महोत्तरीको जलेश्वरस्थित महादेव मन्दिरलगायत देशभरका शिवालयहरूमा भक्तजनको घुइँचो लाग्ने गर्दछ ।
साउन महिनामा भगवान शिवलाई जलधारा अर्पण गर्न विभिन्न स्थानमा बोलबम यात्रा पनि निकालिन्छ । शिवलाई जलधारा अर्पण गरेमा इच्छित कामना पूर्ण हुने आकांक्षाका साथ पहेंलो वस्त्र धारण गर्दै शिवभक्तहरू नजिकका शिवालयमा पुग्ने गर्छन् । यस बर्ष पाँच वटा सोमबार परेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच