सौर्यद्वारा ‘एक पिल्लर मलाई योजना’ विस्तार

हिमालय टाइम्स

३१ श्रावण २०७९, मंगलवार ०५:४९

Read Time = 1 min

अर्थ/कर्पोरेट

A A- A+

काठमाडौं । सौर्य सिमेन्टले ‘एक पिल्लर मलाई योजना’ विस्तार गरेको छ । सौर्य सिमेन्टले मेची, कोसी, जनकपुर, सर्लाही र महोत्तरी जिल्लामा पनि एक पिल्लर मलाई नामक अभियान सञ्चालन गर्ने भएको हो ।

पोखरा, चितवन, सिरहा, उदयपुर र सप्तरीको अपार सफलतापछि ग्राहकको सन्तुष्टि, बृहत् सहभागिता र ग्राहकको बढ्दो मागलाई ध्यानमा राखी अभियान विस्तार गरिएको कम्पनीले जनाएको छ ।

कम्पनीले अभियानमा सहभागिताका लागि आहृवानसमेत गरेको छ । जसका लागि क्युआर कोड स्क्यान गरी कम्पनीको वेबसाइटमा फारम भर्न सकिनेछ भने कम्पनीको टोल फ्री नम्बरबाट पनि सम्पर्क गर्न सकिनेछ ।

सौर्य सिमेन्ट इन्डस्ट्रिज सिरहाको मिर्चैयामा रहेको छ । हाल कम्पनीले ४३ ग्रेड ओपिसी, ५३ ग्रेड ओपिसी र पिएससी सिमेन्ट उत्पादन गर्दै आएको छ । दैनिक उत्पादन क्षमता ७० हजार बोरासहित तीन हजार पाँच सय मेट्रिकटन रहेको कम्पनीले जनाएको छ ।