केन्या। केन्याको राष्ट्रपतिमा विलियम रुटो विजयी भएका छन् ।
उनले झिनो मतान्तरले आफ्ना प्रतिद्वन्द्वी राइला ओडिन्गालाई पराजित गरेका हुन् । आधिकारिक मत परिणामअनुसार उनले कुल खसेको मत मध्ये ५० दशमलव ५ प्रतिशत मत हासिल गरेका छन् ।
ओडिन्गाका पक्षधरले चुनावमा धाँधली भएको आरोप लगाएपछि झडप पनि सुुरु भएकाले चुनाव परिणाम घोषणा ढिलो हुन पुगेको थियो ।
चुनाव आयोगका सातजनामध्ये चारजना सदस्यले पारदर्शीताको कमी रहेको भन्दै चुनावी परिणामलाई अनुमोदन गर्न अस्वीकार गरेका थिए ।
५५ वर्षीय रुटोले पहिलोचोटि राष्ट्रपति पदका लागि चुनाव लडेका हुन् । केन्यामा राष्ट्रपति चुनावका लागि २ करोडभन्दा बढी मानिसले नाम दर्ता गरेका थिए ।
खाद्यान्न तथा इन्धनको मूल्यमा बृद्धि, सरकारी ऋण, बेरोजगारी र व्यापक भ्रष्टाचार जस्ता आर्थिक मुद्दाहरू मुलुकको निर्वाचनमा केन्द्रित थिए ।
रुस–युक्रेन युद्धपछि यहाँका मानिसहरू इन्धनको मूल्यमा बढी चिन्तित थिए । बेरोजगारी देशको ठूलो समस्या हो ।
अर्थतन्त्रको अवस्था राम्रो छैन । विलियम रुटो विगत नौ वर्षदेखि देशको उपराष्ट्रपति रहेका छन्, उनलाई सबै कुरा राम्ररी थाहा छ ।
यी सबै कुरालाई सम्बोधन गरी देशको अर्थतन्त्रलाई ट्रयाकमा ल्याउनु उनको सबैभन्दा ठूलो चुनौती हुनेछ । एजेन्सी
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच