-दीपककुमार शर्मा
बर्दिया
बर्दियामा दुई जनाको ज्यान लिने बाघलाई नियन्त्रणमा लिइएको छ । बर्दिया राष्ट्रिय निकुञ्जअन्तर्गत रहेको चेपाङ मध्यवर्ति क्षेत्रमा पर्ने सुर्खेतको भेरीगंगा नगरपालिकामा बाघको आक्रमणमा परी दुई जनाले ज्यान गुमाएका थिए ।
भेरीगंगा नगरपालिका–५ गेरुवनीस्थित शक्ति मध्यवर्ति सामुदायिक वन क्षेत्रमा सोहि स्थानका ४६ वर्षीय रामबहादुर चन्द र ६७ वर्षीय कवि ओली घास काट्न गएका बेला साउन २९ गते दिउँसो बाघले आक्रमण गरी ज्यान लिएको थियो ।
निकुञ्ज कार्यालयका कर्मचारी, राष्ट्रिय प्रकृति संरक्षण कोष बर्दियाबाट खटिएको टोलीले भदौ १ गते दिउँसो सल्यानको कालिमाटि गाँउपालिका–७ स्वामीबास वन क्षेत्रबाट उक्त बाघलाई नियन्त्रणमा लिइएको बदिया राष्ट्रिय निकुञ्जका प्रमुख संरक्षण अधिकृत विष्णु श्रेष्ठले जानकारी दिनुभयो ।
नियन्त्रणमा लिइएको सो पाटे बाघालाई बाँके राष्ट्रिय निकुञ्ज कार्यालयको खैरी पोष्ट नजिक रहेको खोरमा सुरक्षित राखिएको छ । सो बाघ करिब १२ वर्षको भएको बताइएको छ । बाघलाई बाँके राष्ट्रिय निकुञ्जमा छाडिने भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच