रौतहटमा बसको ठक्करबाट रिक्सामा सवार तीन जनाको मृत्यु

हिमालय टाइम्स
Read Time = 1 min
A A- A+

रौतहट । रौतहटको चन्द्रपुर नगरपालिका-२ लच्कामा आज बिहान बसको ठक्करबाट रिक्सामा सवार ३ जनाको मृत्यु भएको छ । दुर्घटनामा एक जना महिला घाइते भएकी छिन् ।

मृत्यु हुनेमा रिक्सा चालक सर्लाहीको बाग्मती नगरपालिका-२ सोल्टीका ३८ वर्षीय रवि मगर, रिक्सामा सवार सोही ठाउँका ३८ वर्षीय प्रेम ठाडा मगर र ४५ वर्षीय ढक बहादुर लुंगेली मगर रहेका छन् ।

तीनै जनाको उपचारको क्रममा चन्द्रपुर अस्पतालमा मृत्यु भएको रौतहट प्रहरीले जनाएको छ ।

घाइते भएकी ढक बहादुरकी श्रीमती सविनालाई भने थप उपचारको लागि वीरगन्ज स्थित न्यूरो अस्पताल पठाइएको छ ।

काठमाण्डौबाट सर्लाही जाँदै गरेको बाग्मती प्रदेश-०३-००१ ख २०१ नम्बरको बसले प्रदेश २-०२-००१ ह २१०९ नम्बरको अटो रिक्सालाई आज बिहान ५ बजे ठक्कर दिएको थियो ।

दुर्घटनामा संलग्न दुवै सवारी साधन र बस चालकलाई प्रहरीले नियन्त्रणमा लिइसकेको छ ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?