Tuborg 2079-6-30 Ehimlayantimes-1000x100

भूमीहिनहरुको तथ्याङ्क संकलन गर्दै बैतडीका स्थानीय तह

Read Time = 2 mins
A A- A+

-डम्बर बोहरा
बैतडी । बैतडीका स्थानीय तहहरु पनि अहिले भूमीहिनको तथ्याङ्क संकलन गरिरहेका छन् । भूमीहिन दलित, भूमीहिन सुकुम्बासी र अव्यवस्थित बसोबासी नागरिकको तथ्याङ्क संकलन गरिरहेका हुन् । भूमीहिन दलित, भूमीहिन सुकुम्वासी र अव्यवस्थित बसोबासीकोरुपमा रहेकाहरुले सम्बन्धीत स्थानीय तहको वडा कार्यालयमा गएर फारम भर्न सक्ने छन् ।

सबै वडा कार्यालयहरुमा फारमको नमुना पठाइएको र तथ्याङ्क संकलनको काम भइरहेको पाटन नगरपालिकाका प्रमुख प्रशासकीय अधिकृत लक्ष्मीदत्त भट्टले जानकारी दिनुभयो ।

असोज ४ गतेसम्म तथ्याङ्क संकलन गरिसक्न सूचना जारी गरिएको छ । भूमि आयोगले जारी गरेको सूचनाको आधारमा तथ्याङ्क संकलनको काम भइरहेको शिवनाथ गाउँपालिकाका प्रमुख प्रशासकीय अधिकृत रघुनाथ अवस्थीले बताउनुभयो ।

भुमिहिनहरुलाई जग्गा उपलब्ध गराउन र अव्यवस्थित बसोबासीहरुको व्यवस्थित बसोवासको व्यवस्था गर्न स्थानीय तहहरुले उनीहरुको तथ्याङ्क संकलनमा लागेका भूमि आयोग बैतडीका अध्यक्ष धर्म सिंह ऐरले बताउनुभयो ।

पञ्चेश्वर गाउँपालिकाले यस अघि नै सम्झौता गरेर तथ्याङ्क संकलन गरिसकेको छ भने दशरथचन्द नगरपालिका, डिलाशैनी गाउँपालिका र दोगडाकेदार गाउँपालिकाले भूमि आयोगसँग सम्झौता गर्न बाँकी छ ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?