काठमाडौं । भूकम्प गएको बर्षौ बित्यो । २०७२ वैशाख १२ को भूकम्पको त्रासदि अझै भुल्न सक्ने अवस्था छैन । भूकम्पले जनधनमा ठूलो क्षति पुर्यायो । केही पुनर्निर्माण भए । केही पुनर्निर्माणको पखाइमा छन् भने केही भग्नावशेषका रूपमा परिणत हुने अवस्था पुगेको छ ।
यसै क्रममा भूकम्प गएको आठ वर्ष बित्दा पनि काठमाडौं उपत्यकाका जोखिमपूर्ण घरहरू हट्न सकेका छैनन् । जोखिमपूर्ण घरहरूको व्यवस्थापन हुनु त कहाँ हो बरू तिनै जोखिमपूर्ण घरहरूमा टेको लगाएर मानिसहरू बसोबास गर्दै आएका छन् । आफ्नो व्यवसायलाई निरन्तरता दिएका छन् ।
भूकम्पबाट पीडित बनेकाहरू भने सरकारले दिने अनुदान र सहुलियत दरको ऋण नपाएकाले घर बनाउन नसकेको बताउँछन् । वैज्ञानिक रूपमा समेत आयु कटेर जीर्ण अवस्थामा पुगेका घरहरू राजधानीमा एक-दुईवटा होइन, हजारौंको संख्यामा छन् । ती उच्च जोखिममा रहेका घरहरूमा लाखौं मानिस बसोबास गर्छन् । हेरौं काठमाडौं, भक्तपुर र ललितपुरका विभिन्न स्थानमा खिचिएका टेको लगाइएका जोखिमपूर्ण घरका थप तस्बिर :
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच