काठमाडौंमा स्कुटर र मोटरसाइकल ठोक्किँदा एकको मृत्यु

हिमालय टाइम्स
Read Time = 2 mins
A A- A+

काठमाडौं । काठमाण्डौको गोकर्णेश्वर नगरपालिका-६ अर्थोपेडिक अस्पताल नजिकै गएराती स्कुटर र मोटरसाइकल ठोक्किदा एक जनाको मृत्यु भएको छ । दुर्घटनामा तीन जना घाइते भएका छन् ।

मृत्यु हुनेमा स्कुटर चालक काठमाण्डौकै शंकरापुर नगरपालिका-५ पालुबारीका ३५ वर्षीय बाल कुमार कटुवाल रहेका छन् । अत्तरखेल स्थित नेपाल मेडिकल कलेजमा उपचारको क्रममा कटुवालको गएराती पौने १२ बजे मृत्यु भएको प्रहरीले जनाएको छ ।

दुर्घटनामा स्कुटरकाे पछाडी बसेका जोरपाटी बस्ने ३१ वर्षीय सुरेश राई, मोटरसाइकल चालक भक्तपुरका सुमन श्रेष्ठ र मोटरसाइकलमा पछाडी सवार भक्तपुरकै २० वर्षीय रोजित गाइजु घाइते भएका छन् । घाइते सुरेश र सुमनकाे त्रिवि शिक्षण अस्पताल महाराजगञ्जमा उपचार भइरहेको छ भने अर्का घाइते रोजित गाइजुको उपचार भने थापाथली स्थित नर्भिक अस्पतालमा भइरहेको छ ।

बा ७६ प १३५ नम्बर स्कुटर र बागमती प्रदेश ०२ ०१९ प २४७६ नम्बरको मोटरसाइकल गएराती साढे ११ बजे ठोक्किएका थिए ।

guest
0 Comments
Inline Feedbacks
View all comments

रिलेटेड न्युज

छुटाउनुभयो कि ?