भारतको नयाँ प्रधानन्यायाधीशमा उदय उमेश नियुक्त

Read Time = 1 min
A A- A+

नयाँदिल्ली । भारतमा उदय उमेश ललित नयाँ प्रधानन्यायाधीशमा नियुक्त हुनुभएको छ । तत्कालीन प्रधानन्यायाधीश एनभी रमणको कार्यकाल सकिएपछि ललित नयाँ न्यायाधीशमा नियुक्त हुनुभएको हो । ललितले शनिबार नै पद तथा गोपनीयताको शपथ लिनुभएको छ ।

उहाँलाई राष्ट्रपति द्रौपदी मुर्मुले राष्ट्रपति भवनमा शपथ खुवाउनुभएको हो । उहाँ भारतको ४९औं प्रधानन्यायाधीश बन्नुभएको हो । उहाँ सन् २०१४ को अगष्टमा सर्वोच्च अदालतको न्यायाधीश हुनुभएको थियो ।

ललितको कार्यकाल आगामी नोभेम्बर ८ सम्म मात्रै रहनेछ । झण्डै तीन महिने कार्यकालमा न्याय क्षेत्रलाई पारदर्शी बनाउने र मुद्दालाई छिटो टुंग्याउने उहाँले बताउनुभएको छ । एजेन्सी ।

guest
0 Comments
Inline Feedbacks
View all comments

रिलेटेड न्युज

छुटाउनुभयो कि ?