काठमाडौं । हिमाली क्षेत्रको सुन्दर दृश्य कैद हुनेगरी चलचित्र ‘गडफादर’को छायाँकन जोमसोम आसपासमा हुने भएको छ । दक्षिण भारतीय सुपरस्टार अभिनेता चिरञ्जीवी र बलिउड सुपरस्टार सलमान खान चलचित्रका मुख्य कलाकार हुनुहुन्छ ।
चलचित्र ‘गडफादर’मा दक्षिण भारतीय सुपरस्टार चिरञ्जीवीको मुख्य भुमिका रहनेछ भने सलमान खानले उहाँको भाइको भूमिकामा अभिनय गर्नु हुनेछ र नायिका नयनताराको पनि अभिनय रहनेछ । दुवै अभिनेता आगामी सेप्टेम्बरमा सुटिङका लागि नेपाल आउने निर्माणपक्षले जनाएको छ ।
चलचित्रको निर्माण टिमको एक टोली नेपाल आएर उनीहरूले सुटिङ गर्न चाहेको जोमसोम क्षेत्रको अवलोकन गरिसकेका छन् । अवलोकन टिममा भारतीय र दक्षिण भारतीय चलचित्र उद्योगमा संलग्न राजेन्द्र घिमिरेको समेत सहकार्य रहेको थियो । ‘गडफादर’मा लाइन प्रड्युसरका रूपमा संलग्न घिमिरेका अनुसार चिरञ्जीवी र सलमान दुवै नेपाल आउनुहुनेछ । उहाँका अनुसार निर्माण टोलीले जोमसोम एयरपोर्ट क्षेत्र मन पराएपछि नेपालमा सुटिङ हुने पक्का भएको हो । केही दिनअगाडि चिरञ्जीवीको जन्मदिन पारेर ‘गडफादर’को टिजर सार्वजनिक भएको थियो ।
युवा जनशक्ति निर्यात गर्ने देश
बिक्रीमा विद्यावारिधि ?
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
प्राकृतिक चिकित्सालय र योग चौतारीबीच
हिमालय टाइम्स र नियमित लेखनका