यहाँ आर्यघाट बेच्ने विचौलियाहरु छन्
छिनलाई मात्तिन मदिराका लागि आफ्नै शरीरको अंग बेच्न तयार छन् यहाँ
निर्धन, कंगाल र गरिव भएर होइन, मानसिकता र नैतिकताका दरिद्रहरु छन् यहाँ
ठूला भनाउँदाको अघिपछि गर्दै स्वार्थ र नीच हुन मञ्जुर छन् ।
परिश्रम मिहिनेत भन्दा पनि लुट जालझेल र तिगडम खर्चिनेहरु
कहाँ कसरी र कुन बाटोबाट धनी बन्न सकिन्छ भन्ने धाउन्नमा छन् उनीहरु
स्वार्थ र फाइदाका लागि जोकसैको पाउ पर्नेहरु आफन्तकै घिच्रो निचर्न तयार छन्
कमाउनकै लागि चेलिबेटी बेच्नेहरु नै छाति फुकाएर हिँडेका छन् ।
दरिद्रताको उच्च विन्दुमा नग्न भएर लुट्न लाजले छेकबार गर्दैन तिनलाई
नैतिकताको त के कुरा गरौं र खै ! मूर्दा पोल्ने आर्यघाट समेत बेच्ने यिनीहरुलाई
विचलन, वितृष्णा र विच्छेदको कुभावनाले ग्रस्त यो समाजमा
ऐश्वर्य वैभवकै लागि श्रीमती परपुरुषसँग पठाइदिने साधुहरुको जमात छ यहाँ
आफ्नैबाट आफन्त लुटिन्छन् यहाँ,
पाषाण हृदय बोकेका आफन्त कुन बेला तिम्रो घाँटी निमोठ्न
नैतिकता र पापधर्म भुलेर नंग्रा तिखारेर बसेका छन्
हाे ! उनीहरु आफैं जल्ने आर्यघाट पनि बेचिदिन तयार यहाँ
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच