काठमाडौं । युरोपा लिगको समूह चरणको पहिलो खेलमा इंग्लिस क्लब म्यानचेस्टर युनाइटेड पराजित भएको छ । युनाइटेड घरेलु मैदानमा स्पेनिस क्लब रियल सोसिडाडसँग १-० ले पराजित भएको हो ।
ओल्ड ट्राफोर्डमा बिहीबार राति भएको खेलमा सोसिडाडको जितमा दोस्रो हाफका ब्राइस मेन्डिसले पेनाल्टीमार्फत गरेको गोल नै निर्णायक बन्यो । उनले ५९औं मिनेटमा गोल गरेका थिए ।
बल पोसेसन राख्दै पाहुना टोलीमाथि दवाव सिर्जना गरेपनि फिनिसिङमा चुक्दा युनाइटेड घरेलु मैदानमा पराजित हुन पुग्यो ।
इंग्लिस क्लब आर्सनलले युरोपा लिग फुटबलमा विजयी सुरुआत गरेको छ । बिहीबार राति भएको खेलमा एफसी जुरिचलाई २-१ गोल अन्तरले हराउँदै आर्सनलले सुखद सुरुआत गरेको हो ।
खेलको १६ औं मिनेटमा मार्क्विन्होसले गोल गर्दै आर्सनललाई सुरुआती अग्रता दिलाएका थिए । खेलको ४४ औं मिनेटमा मिर्लिन्डले पेनाल्टीबाट गोल गर्दै जुरिचलाई १-१ गोलको बराबरीमा ल्याए ।
तर, खेलको ६२ औं मिनेटमा एड्डी एनकेटीहले गोल गर्दै आर्सनललाई २-१ को जित दिलाए । यस जितसँगै आर्सनलले पहिलो खेलमै ३ अंक जोडेको छ । समूह ए को आर्सनल शीर्ष स्थानमा रहेको छ ।
यही समूह ‘ई’ को अर्को खेलमा एफसी सेरिफले ओमोनिया निकोसियालाई ३-० ले पराजित गरेको छ ।
यस नतिजासँगै सेरिफ ३ अंक जोडेर शीर्षस्थानमा रहेको छ । समान ३ अंक नै रहेपनि सोसिडाड दोस्रो स्थानमा तथा युनाइटेड तेस्रो तथा निकोसिया पुछारमा छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच