काठमाडौं । श्रीलंकामा सम्पन्न साफ यू-१७ च्याम्पियनसिप फुटबलको उपाधि भारतले जितेको छ । कोलम्बोमा बुधबार राति भएको फाइनल खेलमा १० खेलाडीमा समेटिएको नेपाललाई ४-० गोल अन्तरले हराउँदै भारत च्याम्पियन बनेको हो ।
यो सँगै नेपालले फेरि पनि उपविजेतामै चित्त बुझाएको छ ।
भारतका लागि बबी सिंहले १८ मिनेट, कोरोउ सिंहले ३० मिनेट, गुइटेले ६३ र अमनले दोस्रो हाफको इन्जुरी टाइममा गोल गरेका थिए।
यसअघि समूह चरणमा पनि नेपाल र भारत भिडेका थिए। सो खेलमा भने नेपालले भारतलाई ३-१ गोलले पराजित गरेको थियो। साफको यो प्रतिस्पर्धामा नेपाल फाइनलमा पराजित भएको चौथो पटक हो ।
यस जितसँगै भारतले लगातार दोस्रो पटक उपाधि जितेको छ । यस्तै भारतले नेपालविरुद्ध समूह चरणमा व्यहोरेको हारको बदला लिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच