काठमाडौं । नबिल बैंकले आन्तरिक तथा वैदेशिक भुक्तानीलाई सरल बनाउन भिसा इन्टरनेशनलसँगको सहकार्यमा भिसा डाइरेक्ट सेवा सुरु गरेको छ । भिसा डाइरेक्ट सेवामार्फत् विदेशमा रहेका जोकोहीले पनि नबिल बैंकको भिसा कार्डबाहक ग्राहकलाई बिनाझन्झट रेमिट्यान्स पठाउन सक्नेछन् ।
भिसा डाइरेक्टमा सहभागी एक सय ८० भन्दा बढी देशबाट नेट-बैंकिङ, मोबाइल वा एटिएममार्फत् १६ अंकको भिसा कार्ड नम्बरमा रकमान्तर गर्न सकिनेछ । नबिल भिसा क्रेडिट, डेबिट (बैंक खाता) र प्रिपेड कार्डमा रकम प्राप्त गर्न सकिने बैंकले जनाएको छ ।
उक्त सेवा समावेश भएसँगै नबिल भिसाका कार्डवाहकले विश्वका जुनसुकै ठाउँबाट आफ्नो कार्ड/खातामा सहज र सुरक्षितरूपमा रकम प्राप्त गर्न सक्ने नबिल बैंकका प्रमुख कार्यकारी अधिकृत ज्ञानेन्द्रप्रसाद ढुंगानाले बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच