काठमाडौं । चलचित्र ‘लाखे’ को जापान राइट बिक्री गरिएको छ । जापान निवासी युवा व्यावसायी तथा समाजसेवी जेबी गुरुङले चलचित्रको जापान प्रदर्शन अधिकार किनेको कार्यकारी निर्माता हरि मल्ल ठकुरीले बताउनुभयो । जापानपछि केही दिनमै अन्य देशमा चलचित्रको प्रदर्शन अधिकार बिक्रीको तयारी गरिएको उहाँले सुनाउनुभयो ।
युवा निर्देशक सम्राट बस्नेत निर्देशित यो चलचित्रमा सौगात मल्ल, अनुपबिक्रम शाही, अर्पण थापा, आर्यन अधिकारी, वर्षा राउत, रोहित रुम्वा, संजोग राणा, सुशील सिटौला, प्रशान्त ताम्राकार, रक्षा बुढाथोकी, कालु राना र बालकलाकार सिस्टम भण्डारीको मुख्य अभिनय छ ।
कात्तिक ११ गतेदेखि देशभरका सिनेमाघरमा आउने तयारीमा रहेको यो चलचित्रका प्रस्तुतकर्ता गणेश मल्ल ठकुरी (जिएम) हुनुहुन्छ भने निर्मातामा सिजन अर्याल र डिपी भण्डारी रहनुभएको छ । सुसन प्रजापतिको छायाँकन रहेको चलचित्रका गीतमा दीपक बज्राचार्य र हर्कुलस बस्नेतको संगीत छ ।
औरियन प्रोडक्सन र ग्लोवल मिडिया एण्ड रिसर्च सेन्टरको ब्यानरमा निर्माण भएको चलचित्रको कथा निर्माता सिजन अर्यालकै हो भने पटकथा, सम्वाद आकाश बरालले लेख्नुभएको हो । अर्जुन जिसीको सम्पादन रहेको चलचित्रलाई आरआर फिल्मस्ले वितरण गर्दैछ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच