द्रोहै द्रोह र विद्रोह, द्वेष विद्वेष झन् बढे ।
अनुशासन तोडेर, मान्छे कलहमा चढे ।।
०
दल निर्बल छन् आज, मरे सिद्धान्त दर्शन ।
गुुटको खोरमा बन्दी बनेछन् स्वार्थिला मन ।।
०
चर्को आरोपको कोप जुहारी चल्छ दिन्दिन ।
आफैँ ठालू हुने रोग चर्कियो देशमा किन ??
०
धाक धक्कू अहङ्कार आडम्बर र ढोँगले ।
सीमा नाघिसकेका छन्, दम्भ औ अभिमानले ।।
०
टनका टन घाँटीमा माला भिर्ने भिराउने ।
विज्ञापन चल्यो चर्को चोचाचाचु छिराउने ।।
०
भागबण्डा गरेका छन् सम्प्रभुु मतका पति ।
नागरिक हकै खोसी, भत्किए दलका मति ।।
०
दल निर्दल भै नाचे, छलाङे छन् वृकोदर ।
लोकतन्त्र बनाएछन्, शनि औ बडवानल ।।
०
अँध्यारो चिर्न लौ बोकौँ ! झण्डा चन्द्र र सूूर्यको ।
काला बादल पन्छाए, मृत्तिका उजिलिन्छ यो ।।
०
द्रष्टव्य-: चोचाचाचुु भनेको- (चोर, चाकडीबाज, चाप्लुस र चुुक्लिखोर हो ।)
समाप्तम्
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच