काठमाडौं । नेपाल उद्योग परिसंघ (सिएनआई) ले ‘सिएनआई रोजगार तथा सीप’ मेला अगाडि दक्षता अन्तरविश्लेषण अर्थात् स्किल ग्याप एनालाइसिस आयोजना गरेको छ ।
सिएनआईको शिक्षा परिषद् र रोजगारदाता परिषद्को संयोजनमा आयोजित कार्यक्रम नेपाली रोजगार बजारमा प्रवेश स्तर र मध्य स्तरका आवेदकका लागि आधारभूत सीप, प्रवेश र मध्यमस्तरका नयाँ जनशक्ति लिने प्रक्रिया र नयाँ जनशक्ति लिँदाका चुनौतीलगायत विषयमा केन्द्रित रहेको थियो । त्यसैगरी दक्ष जनशक्ति उत्पादनका लागि शैक्षिक संस्थालाई सुझाव, रोजगारीका लागि नयाँ पुस्तामा हुनुपर्ने गुण एवं दक्षतालगायतका विषयमा पनि लक्षित समूहमा गहन छलफल तथा सुझाव संकलन गरिएको सिएनआईले जनाएको छ ।
स्किल ग्याप एनालाइसिसमा सूचना प्रविधि, कृषि, आतिथ्यलगायत क्षेत्रका ३० भन्दा बढी कम्पनी सहभागी कार्यक्रमको बौद्धिक पाटर्नर मिड भ्याली इन्टरनेशनल कलेज रहेको थियो । मुलुकमा हरेक वर्ष न्यूनतम पाँच लाख व्यक्ति रोजगारीको खोजीमा हुन्छन् ।
चालकदेखि व्यवस्थापनसम्मका लागि विभिन्न कम्पनीले कर्मचारी माग गरिरहेको देखिन्छ । तर, एकातर्फ आवश्कताअनुसार कम्पनीले कर्मचारी पाउन सकिरहेका छैनन् भने अर्कोतर्फ रोजगारीको खोजीमा रहेकाहरू आवेदन दिन र सम्बन्धित कम्पनीको सम्पर्कमा जान नसकिरहेको देखिन्छ । सोही विषयमा केन्द्रित रही सिएनआई रोजगार तथा सीप मेला आयोजना गर्न लागिएको आयोजकले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच