काठमाडौं । नेपाली कांग्रेसले संस्थापन पक्षका नेतालाई उच्च प्राथमिकतामा राखेर प्रतिनिधिसभाको समानुपातिकतर्फको बन्दसूची बुझाएको पाइएको छ । बन्दसूचीको अग्रपंक्तिमा नेताका नातागोतादेखि व्यापारीसम्म समेटिँदा दलित, मधेसीको नाम भने अन्तिमतिर पुगेको छ ।
बन्दसूचीको पहिलो नम्बरमा विमलेन्द्र निधिको नाम राखेको कांग्रेसले आठौं नम्बरमा प्रधानमन्त्री शेरबहादुर देउवा पत्नी डा. आरजू राणा देउवा र नवौं नम्बरमा गृहमन्त्री बालकृष्ण खाणँ पत्नी मञ्जुलाई राखेको छ । कांग्रेस प्रवक्ता प्रकाशशरण महत चौथो, पूर्वराष्ट्रपति रामवरण यादव पुत्र डा. चन्द्रमोहन यादव यादव छैटौं नम्बरमा राखेको छ ।
व्यापारिक पृष्ठूमिका अनिल रगंटाको नाम सातौं नम्बरमा छ । विवादास्पद पात्रलाई पनि देउवाले बन्दसूचीको अग्रपंक्तिमा ठाउँ दिएका छन् । मेडिकल कलेजका सञ्चालक खुमाप्रसाद अर्याल ठगी मुद्दामा अदालतबाट पक्राउ पुर्जी जारी भएका व्यक्ति हुन् । उनै अर्याललाई सांसद बनाउन कांग्रेसले समानुपातिक सूची नाम समेटेको छ ।
चिकित्सक पृष्ठभूमिका डा. केदारनरसिंह केसीलाई पनि कांग्रेसले बन्दसूचीमा राखेको छ । केसी संस्थापनइतरका कांग्रेस नेता अर्जुन केसीका भाइ हुनुहुन्छ ।
संस्थापनका नेतालाई प्राथमिकतामा राखेर बुझाइएको बन्द सूची हेर्दा समावेशी पाटो पनि कमजोर देखिन्छ । समानुपातिकको बन्दसूचीमा कांग्रेसले १०९ जनाको नाम समेटेको छ । जसमा दलित, मधेसीको नाम अन्तिमतिर मात्र भेट्न सकिन्छ ।
शेखर कोइराला समूहले आगामी चुनावमा कांग्रेसभित्र ४० प्रतिशत सिट नपाए विद्रोह गर्ने चेतावनी दिइरहेका बेला देउवानिकट नेताहरुको समानुपातिक उम्मेदवारको बन्दसूची सार्वजनिक भएको हो ।
शेखर समूहले प्रत्यक्षतर्फको मात्रै नभई असोज ३ मा बुझाइएको समानुपातिकतर्फको बन्दसूची पनि सच्याउनुपर्ने माग गरेका छन् । निर्वाचन आयोगले दिएको असोज १६ सम्मको समयसीमामा संस्थापनइतर समूहबाट ४० प्रतिशतको हाराहारीमा उम्मेदवार राखिनुपर्ने माग छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच