नयाँदिल्ली । अदानी समूहले आगामी १० वर्षमा १०० अर्ब डलर लगानी गर्ने योजना सार्वजनिक गरेको छ । यसमा सबैभन्दा बढी लगानी हरित ऊर्जा उत्पादनमा हुनेछ । यो कुरा अदानी समूहका अध्यक्ष र फाव्र्सको सबैभन्दा धनी व्यक्तिको सूचीमा तेस्रो स्थानमा रहनुभएका गौतम अडानीको हो । फोब्र्सले मंगलबार २०औं ‘ग्लोबल सिइओ सम्मेलन’ आयोजना गरेको थियो । जहाँ अदानीले कम्पनीको भावी लगानी योजनाबारे जानकारी गराउनुभएको थियो ।
अदानीले भन्नुभयो ‘समूहका रूपमा हामी १०० अर्ब डलर लगानी गर्नेछौं । यसको ७० प्रतिशत ऊर्जा संक्रमण स्थानमा लगानी गरिनेछ । हामी सौर्य उद्योगमा शीर्षमा छौं, हामी भविष्यमा अझ ठूलो उचाइ छुन चाहन्छौं ।’ उहाँले कम्पनीले एकीकृत हाइड्रोजनमा आधारित मूल्य शृंखलामा ७० अर्ब डलर लगानी गर्ने बताउनुभयो । तिनीहरूको मुख्य फोकस ऊर्जा संक्रमण स्थान विस्तार छ ।
अदानी समूहले ३० लाख मेट्रिक टन हरित ऊर्जाको व्यावसायीकरण गर्नेछ । भारतमा तीन गिगा कारखाना पनि निर्माण हुनेछ । अदानीले कम लागतमा हरियो इलेक्ट्रोन र हरियो हाइड्रोजन उत्पादनमा केन्द्रित रहेको बताउनुभयो । यदि यो प्रयोग सफल भयो भने, यो भारतमा गेम चेन्जर सावित हुनेछ । यसले भारतमा ऊर्जा निर्यातको बाटो खोल्नेछ । जसका कारण चाँडै नै ऊर्जा निर्यातकर्ताका रूपमा मुलुकको पहिचान स्थापित हुनेछ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच