मस्को । आफ्नो कब्जामा रहेका युक्रेनी क्षेत्रमा रुसले चारवटा जनमतसंग्रह गरेको र त्यसको नतिजा रुसमा गाभिने पक्षमा आएको दाबी गरेको छ । भाग लिएका मध्ये अधिकांशले युक्रेनबाट छुट्टिएर रुसमा गाभिने पक्षमा मत दिएको दाबी रुसी अधिकारीले गरेका छन् । मस्काले युक्रेनी क्षेत्रमा आफ्ना अधिकारी खटाएर तथाकथित जनमतसंग्रह गराएको हो । त्यसको नतिजालाई युक्रेनको भू–भाग टुक्रयाएर रुसमा गाभ्ने प्रयोजनका लागि प्रयोग गर्ने मस्कोको योजना छ ।
युक्रेन र उसका सहयोगीहरूले रुसले गराएको जनमतसंग्रहलाई लाजमर्दो भन्दै त्यसको वैधता खारेज गरेका छन् । अन्तर्राष्ट्रिय मान्यताको अभावमा ‘जनमतसंग्रह’ को प्रक्रिया स्वतन्त्र रूपले अनुगमन गरिएको थिए ।
रुसले युक्रेनको पूर्वी क्षेत्र डोनेट्स्क र लुहान्स्कमा ‘जनमतसंग्रह’ गराएको हो । यस्तै रुसको कब्जामा रहेको दक्षिणी क्षेत्र खेर्सन र जापोरिजझियामा पनि ‘जनमतसंग्रह’ भएको हो ।
युक्रेनको कुल क्षेत्रको १५ प्रतिशत भू-भाग ओगट्ने युद्धग्रस्त क्षेत्रका ४० लाख मानिसलाई मतदान गर्न भनिएको थियो । सहभागी भएकामध्ये ९९.२३ प्रतिशत मानिसले रुसमा जोडिने पक्षमा मत दिएको डोनेट्स्कको रुस समर्थित सत्ताद्वारा सञ्चालित समाचार संस्थाले जनाएको छ ।
यही ‘जनमतसंग्रह’ लाई आधार बनाएर रुसी राष्ट्रपति भ्लादिमिर पुटिनले आउँदो शुक्रबार रुसी संसदको संयुक्त सत्रको क्रममा युक्रेनका चार क्षेत्र रुसमा गाभेको घोषणा गर्ने सम्भावना रहेको बताइएको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच