पोखरीमा डुबेर २७ बाँदर मरे

हिमालय टाइम्स
Read Time = 1 min
A A- A+

सन्धिखर्क । अर्घाखाँचीको सन्धिखर्क-९ अर्घामा रहेको पोखरीमा डुबेर २७ बाँदर मरेको अवस्थामा भेटिएका छन् ।

सन्धिखर्क-९ अर्घामा रहेको सिँचाइ पोखरीमा डुबेर ती बाँदर मरेको स्थानीय बलराम रायमाझीले बताउनुभयो । पहिला एउटा बाँदर पानी खान जाँदा पोखरीमा परेपछि सो बाँदरलाई बचाउन भनी जाँदा अन्य बादर पनि सोही ठाउँमा डुबेर मरेको हुनसक्ने स्थानीयको आशङ्का छ ।

पोखरी जङ्गलको बीचमा रहेका कारणले गर्दा बाँदर पोखरीमा पसेको थाहा हुन नसकेको र उद्धार पनि हुन नसकेको जनाइएको छ । जिल्ला वन कार्यालय अर्घाखाँचीका कर्मचारी दीपक पाण्डेको नेतृत्वमा गएको टोलीले निरीक्षण गरेको र मरेका सबै बाँदरलाई जनप्रतिनिधि, प्रहरी र स्थानीयवासीका रोहवरमा व्यवस्थापन गरिएको छ । रासस

guest
0 Comments
Inline Feedbacks
View all comments

रिलेटेड न्युज

छुटाउनुभयो कि ?