काठमाडौं । आजदेखि देशभरका सिनेमाघरमा चलचित्र ‘हिजो आजका कुरा’ प्रदर्शनमा आएको छ । शुक्रबार प्रदर्शनअन्तर्गत आजदेखि ‘हिजो आजका कुरा’ प्रदर्शनमा आएको हो । टेलिभिजनमा ‘हिजोआजका कुरा’ हेरेर हुर्किएको नेपाली दर्शकको जमातलाई चलचित्र हिजोआजका कुरा रुचिकर हुनसक्छ ।
पन्त फिल्म प्रोडक्सनको व्यानरमा निर्मित चलचित्रको कथा बरिष्ट अभिनेता सन्तोष पन्तको हो भने पटकथा सन्दीप किस्नाको छ । रवि सायमीले खिचेको चलचित्रको कार्यकारी निर्माता प्रतिभा पन्त, सहनिर्माता बैकुष्ठप्रसाद उपाध्याय (अशोक) र सचितकुमार मिश्र हुनुहुन्छ । चलचित्रको बुधबार राजधानीमा प्रिमियर शो गरिएको थियो । समसामयिक विषयवस्तुमा पारिवारिक चलचित्र बनेको भन्दै दर्शकले प्रतिक्रिया दिएका थिए । प्रिमियरमा चलचित्रका निर्माता, निर्देशक एवं कलाकार उपस्थित थिए ।
बिके फिल्मस् र एफडिले वितरण गर्ने चलचित्रमा सन्तोष पन्त, साकार पन्त, रमा थपलिया, केकी अधिकारी, ऋचा शर्मा, दिव्यदेव, रिमा विश्वकर्मा, स्व.जयनन्द लामा, लक्ष्मी भुसाल, जेविका कार्की, रमेश अधिकारी, मञ्जु श्रेष्ठ, विनय कुइँकेल, अनुष्का अधिकारी, निराजनप्रसाद अर्याल, सविन शाक्य, कमला रेग्मी, रिहान केसीलगायतले अभिनय गर्नुभएको छ ।
डेढ दशक बढी नेपाल टेलिभिजनमा निरन्तर प्रशारण भई दर्शकको मनमा बस्न सफल टेलिशृंला ‘हिजो आजका कुरा’ कै टिमले निर्माण गरेको चलचित्र हो ‘हिजो आजका कुरा-द मुभी’ । यस्तै, आजदेखि चलचित्र ‘हिजोआजका कुरा’सँगै भारतका ‘डाक्टर जी’, ‘गडफादर’ र ‘कन्तारा’ र जापानको ‘वान पिस रेड’ प्रदर्शनमा आएका छन् । त्यस्तै, यतिवेला सिनेमाघरमा ‘दुई नम्बरी’ र ‘प्रेमगीत ३’ पनि पदर्शन भइरहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच