बझाङ । बझाङको मष्टा गाउँपालिकामा भएको जिप दुर्घटनामा मृत्यु हुने सबैको सनाखत भएको छ ।
बझाङको सदरमुकाम चैनपुर नजिक रहेको डुङ्ग्री बजारबाट मष्टा गाउँपालिका-२ खेतकोट जाँदै गरेको जिप बुधबार दिउँसो दुर्घटना हुँदा सात जनाको मृत्यु भएको थियो ।
सु प प्र ०१-००१ च ११७ नम्बरको जिप तुफानडाँडामा दुर्घटनामा परेको थियो । दुर्घटनामा मष्टा गाउँपालिका-२ की १३ वर्षीया सम्झना खड्का, १५ वर्षीय रोशन खड्का, १४ वर्षीय प्रचण्ड खड्का र २८ वर्षीया वसन्ती धामी कठायत र उहाँकी ७ महिनाकी छोरी दीक्षिकाको ज्यान गएको जिल्ला प्रहरी कार्यालय बझाङले जनाएको छ ।
यस्तै कञ्चनपुर शुक्लाफाटा नगरपालिका ७ का झरेन्द्र बोहरा, सोही नगरपालिका २ बस्ने ३८ वर्षका वीरेन्द्र अधिकारीको मृत्यु भएको छ ।
दुर्घटनामा १८ जना घाइते भएको प्रहरीले जनाएको छ । घाइतेमध्ये मष्टा गाउँपालिका १ का ३६ वर्षका सिंहबीर बुढाको अवस्था गम्भीर रहेको छ । जिप सडकबाट दुई सय मिटर तल भिरमा खसेको थियो ।
दुर्घटनामा घाइते भएका १६ जनाको जिल्ला अस्पताल सिमखेतमा उपचार भैरहेको प्रहरीले जानकारी दिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच