काठमाडौं । चलचित्र ‘नीरमाया’ को टिजर सार्वजनिक भएको छ । सार्वजनिक एक मिनेट ४५ सेकेण्ड लामो टिजरले जातीय छुवाछुत विरुद्धको सन्देश प्रस्तुत गरेको छ । रमेश बुढाथोकीको प्रमुख भूमिका रहेको चलचित्रमा लय संग्रौला, जेएन घिमिरे, जेबी डिसी, अजित लामिछाने, प्रतिशा रिजाल, समृद्धि पौडेल, रमेश अधिकारी, गोपाल ढकाल, रामबाबु रेग्मी लगायतको अभिनय छ ।
रमेश कोइराला निर्देशित उक्त चलचित्रमा जातीय छुवाछुतविरुद्ध आवाज उठाइएको छ । ‘परिवर्तन आफैँबाट सुरु गरौँ समाज स्वतः बदलिनेछ’ भन्ने नाराका साथ चलचित्र निर्माण गरिएको निर्माणपक्षले जनाएको छ ।
महेश तिमल्सिना कार्यकारी निर्माता रहेको चलचित्रको निर्माता रोजा तिमल्सिना र रमेश दाहाल हुनुहुन्छ भने उत्तर राना मगर र तारा थापा ‘किम्भे’ले सम्पादन छ । यो चलचित्रको कथा रामकुमार केसीले तयार पार्नुभएको हो भने रवि कोइराला र जीवन पराजुलीले छायांकन गर्नुभएको छ ।
