प्रधानमन्त्री देउवा धनगढीमा, भोलि डडेल्धुरा जाने

हिमालय टाइम्स
Read Time = 2 mins
A A- A+

धनगढी । प्रधानमन्त्री एवं नेपाली कांग्रेसका सभापति शेरबहादुर देउवा धनगढी पुग्नुभएको छ। आफ्नो निर्वाचन क्षेत्र रहेको डडेल्धुरा जानुअघि बुधबार देउवा धनगढी पुग्नुभएको हो। धनगढी-४ स्थित आफ्नै निवासमा बस्नुभएका उहाँले यहाँका कार्यकर्तासँग भेटघाट गर्दै हुनुहुन्छ ।

कैलाली-५ को प्रदेश सभा (ख) बाट प्रकाश देउवाले उम्मेदवारी दिनुभएको छ । उहाँ प्रधानमन्त्री देउवाका भतिजासमेत हुनुहुन्छ ।

देउवाले बुधबार धनगढीमै बस्ने देउवा बिहीबार आफूले उम्मेदवारी दिएको क्षेत्र डडेल्धुरा जानु हुनेछ। डडेल्धुरामा चार दिनसम्म उहाँले चुनाविी गतिविधि सञ्चालन गर्ने बताइएको छ ।

डडेल्धुरा जान थाल्नुभएका प्रधानमन्त्री देउवालाई सरकारी श्रोतसाधनको प्रयोग नगर्न निर्वाचन आयोगले चेतावनी दिएको छ । सरकारी स्रोत साधन प्रयोग नगरी व्यक्तिगत वा पार्टीको खर्चमा डडेल्धुरा जान अनुमति दिएको आयोगले सरकारी श्रोत साधनको प्रयोग गरे कारबाही गर्ने चेतावनी दिएको हो ।

यसअघि प्रधानमन्त्री तथा मन्त्रिपरिषद कार्यालयले पत्र पठाएर प्रधानमन्त्री देउवा डडेल्धुरा आउन अनुमति मागेको थियो । तर, आयोगले सरकारी स्रोत साधन प्रयोग गरेर जान नपाइने भन्दै अनुमति दिएको थिएन ।

guest
0 Comments
Inline Feedbacks
View all comments

रिलेटेड न्युज

छुटाउनुभयो कि ?