पोखरा । क्रिकेटको पुरानो क्लब बेलायतको मेरीलिवोन क्रिकेट क्लब (एमसिसी) को महिला टोली अहिले नेपालमा छ । नेपाली महिला टोलीसँग क्रिकेट खेल्न सो टोली नेपाल आएको हो । यही कात्तिक ५ गतेदेखि नेपाल भ्रमणमा रहेको एमसिसीको टोलीले छ मैत्रीपूर्ण खेल खेल्यो । उसले दुई खेल जितेर चारवटा हार्यो । आइसिसीको यू-१९ र मिक्स ११ टोलीलाई हराएको एमसिसीले नेपाली महिला राष्ट्रिय क्रिकेट टोली सम्मिलित नेपाल क्रिकेट संघ (क्यान-११) सँगको सबै खेल भने हार्यो ।
खेलमा हारजितभन्दा पनि अनुभव आदान-प्रदान उदाहरणीय बनेको नेपाली टोलीकी कप्तात रुविना क्षेत्रीले बताउनुभयो । ‘खेल जिते पनि हामीले राम्रो खेल्न सकेनौँ, हामीलाई ४० ओभरको क्रिकेट खेल्ने बानी छैन,’ उहाँले भन्नुभयो, ‘क्रिकेटको पुरानो क्लबसँग खेल्नु ठूलो कुरा हो, उहाँहरूबाट धेरै सिकियो ।’
एमसिसीको टुर नेपाल आउनु आफूहरूका लागि सिक्ने अवसर भएको प्रशिक्षक जगत् टमाटाले बताउनुभयो । ‘एमसिसीले एकदमै राम्रो टोली लिएर आएको थियो, उहाँहरूसँग खेल्दा खेलाडीमा आत्मविश्वास बढेको छ,’ उहाँले भन्नुभयो, ‘सबै खेल जित्यौँ, हाम्रा लागि राम्रो रहृयो ।’ टोलीसँग खेलेर ४० ओभर खेल कसरी खेल्ने, आफूलाई मानसिकरूपमा कसरी तयार गर्ने र फिटनेसमा के-कति ध्यान दिनुपर्ने रहेछ जस्ता विषयमा ज्ञान बढेको टमाटाको भनाइ छ ।
विश्वकप खेलिसक्नुभएका खेलाडीसँग खेल्न पाउँदा नेपाली खेलाडीले क्रिकेटसम्बन्धी धेरै कुरा सिक्न पाएको नेपाल क्रिकेट संघ कास्कीका अध्यक्ष सञ्जयकान्त सिग्देलले बताउनुभयो । ‘एमसिसीमा इंग्ल्याण्डबाट विश्वकप खेलिसकेका खेलाडी थिए । हाम्रा खेलाडीले इंग्ल्याण्डका खेलाडीबाट अनुभव लिन पाए,’ उहाँले भन्नुभयो, ‘अनुभवी खेलाडीसँग खेलेर जितेपछि हाम्रा चेलीहरूमा आत्मविश्वास बढेको छ ।’ यो प्रतियोगिताले नेपाली खेलाडीको कमजोरी पनि देखाएको छ, जसलाई सुधार गरेर जाने अवसर मिलेको उहाँ बताउनुहुन्छ ।
पोखरामा माछापुच्छ्रे र अन्नपूर्ण हिमाल हेर्दै खेल्न पाउँदा निकै खुसी लागेको एमसिसीका व्यवस्थापक क्लेरी टेलरले बताउनुभयो । नेपाली टोली पनि राम्रो भएकाले खेल निकै प्रतिस्पर्धात्मक बनेको उहाँको प्रतिक्रिया थियो । क्रिकेटको जननी बेलायतको मेरीलिवोन क्रिकेट क्लबले २३५ वर्षको इतिहास बोकेको छ । यो क्रिकेट क्लब सन् १७८७ मा स्थापना भएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच