काठमाडौं । नेपाल कम्युनिष्ट पार्टी (क्रान्तिकारी माओवादी) का महासचिव मोहन वैद्यले देशमा अझै जातिय मुक्ति प्राप्त हुन नसकेको भन्दै मुक्तिका लागि संघर्ष गर्न आवश्यक रहेको बताउनुभएको छ ।
शनिवार काठमाडौंमा आयोजित एक कार्यक्रमलाई सम्बोधन गर्दै उहाँले देशमा रुपान्तरणको लागि सामन्तवाद, साम्राज्यवाद, बाहुनवादबिरुद्ध लडेर संघर्ष गर्दापनि वर्गीय, जातिय, महिला, दलित, मधेसी समुदायको मुक्ति हुन नसकेको बताउनुभएको हो । उहाँले जातिय,वर्गिय मुक्तिका निम्ति संघर्ष गर्न जरुरी रहेको उल्लेख गर्नुभयो ।
उहाँले सामन्तवाद, साम्यवाद, पितृसत्तात्मकवाद, व्राह्मणवाद, पहाडीया शोषणवादका बिरुद्ध लड्दै गर्दा संशोधनवादका बिरुद्ध पनि लड्न अत्यावश्यक रहेको बताउनु भयो । उहाँले संशोधनवाद सबै क्षेत्रमा फैलिसकेको उल्लेख गर्दै संशोधनवादकाबिरुद्ध नलडीकन मुक्ति हुन प्राप्त हुन नसक्ने बताउनु भयो । उहाँले संशोधनवादका निमित्त लडेर क्रान्ति पूरा भयो भन्ने नसोच्न आग्रह गर्दै अझै क्रान्ति पूर्ण रुपमा पूरा हुन नसकेको जिकिर गर्नुभयो ।
उहाँले भन्नुभयो, ‘हामीले देशमा रुपान्तरणको लागि सामन्तवादका बिरुद्ध, साम्राज्यवादका बिरुद्ध, बाहुनवादका बिरुद्ध वर्गीय, जातीय, महिला, दलित, मधेसी, सबैसबैको मुक्तिको निम्ति धेरै रगत बग्यो । थुप्रै योद्धाहरुले शाहदत प्राप्त गरे तर अझै मुक्ति प्राप्त हुन सकेको छैन । अब हामी फेरि मुक्तिका निम्ति संघर्ष गर्न जरुरी छ । जातीय, मुक्ति, वर्गिय मुक्ति र सबै मुक्तिको निम्ति संघर्ष गर्न जरुरी छ । धेरै संघर्ष गरियो तर मुक्ति प्राप्त गर्न सकिएको छैन । यसका लागि पुनः संघर्ष जरुरी छ । सामन्तवाद, साम्यवाद, पितृसत्तात्मकवाद, व्राह्मणवादका लागि लड्नेपनि ठिक छ, पहाडीया शोषणवादका बिरुद्ध लड्नेपनि ठिक छ, तर यसको साथमा संशोधनवादका बिरुद्ध पनि लड्नुपर्छ । संशोधनवादकाबिरुद्ध नलडीकन मुक्ति हुन सक्दैन, किनभने त्यो संशोधनवाद सबैमा घुसेको छ । त्यसकारणले संशोधनवादका निमित्त लडेर क्रान्ति पूरा भयो भन्ने छ, क्रान्ति पूरा भएको छैन ।’
महासचिव वैद्यले नेपालमा नयाँ जनवादी क्रान्ति सम्पन्न गर्दै वैज्ञानिक समाजवादको स्थापना गरी साम्यवादको प्राप्तिको निम्ति दृढतापूर्वक अघि बढ्नुपर्ने बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच