टी-२० विश्वकप : दोस्रो सेमिफाइनलमा आज भारत र इंग्ल्यान्ड भिड्दै

हिमालय टाइम्स
Read Time = 3 mins
A A- A+

मेलर्बन । आईसीसी टी-२० विश्वकप क्रिकेटको दोस्रो सेमिफाइनलमा आज भारत र इंग्ल्यान्ड भिड्दै छन् ।

भारत र इंग्ल्यान्डको प्रतिस्पर्धा नेपाली समय अनुसार बिहीबार दिउँसो पौने २ बजे हुनेछ । भारत सुपर-१२ समूह ‘२’ को विजेता र इंग्ल्यान्ड समूह ‘१’ को उपविजेताका रुपमा सेमिफाइनलमा पुगेको हो ।

यसअघि पहिलो सेमिफाइनलमा न्यूजिल्याण्डलाई ७ विकेटले हराउँदै पाकिस्तान १३ वर्ष पछि फाइनलमा पुगेको छ। आजको विजेताले उपाधिका लागि पाकिस्तानसँग खेल्नेछ । फाइनल खेल आउँदो आइतबार हुनेछ ।

भारत सुपर १२ को समूह ‘बी’ को विजेता टोली हो । इंग्ल्यान्ड सुपर १२ को समूह ‘ए’ को उपविजेता टोली हो । सुपर १२ मा चार खेल जित्ने भारत एकमात्र टोली हो । भारतले पाकिस्तानलाई चार विकेट, नेदरल्यान्ड्सलाई ५६ रन, बंगलादेशलाई पाँच रन र जिम्बावेलाई ७१ रनले हराएको थियो । दक्षिण अफ्रिकासँग भने भारत पाँच विकेटले पराजित भएको थियो ।

इंग्ल्यान्डले अफगानिस्तानलाई पाँच विकेट, न्युजिल्यान्डलाई २० रन र श्रीलंकालाई ४ विकेटले हराएको थियो । अफगानिस्तानसँग बर्षाको कारण अंक बाड्दा आयरल्यान्डसँग पाँच रनले स्तब्ध भएको थियो । इंग्ल्यान्ड र भारत दुबैको टोलीमा विष्फोटक ब्याटरको बाहुल्यता छ । दुबै टोलीको ब्याटिङ प्रमुख हतियार हो ।

भारत २००७ को च्याम्पियन टोली हो भने इंग्ल्यान्ड २०१० को च्याम्पियन टोली हो । इंग्ल्यान्ड र भारतबीच टी-२० आईमा २२ खेल भएका छन् । जसमा इंग्ल्यान्ड १० र भारत १२ खेलमा विजयी भएका छन् । पछिल्ला पाँच भेटमा भारत चार खेलमा विजयी भएको छ । एजेन्सी

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?