काठमाडौं । काठमाडौँ क्षेत्र नं १ मा प्रतिनिधिसभा सदस्य उम्मेदवार एवम् राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्रले आज विहान पशुपतिनाथ मन्दिरमा रूद्राभिषेक पूजा गर्नुभएको छ।
धर्मपत्निसहित जानुभएका मिश्रले पशुपतिनाथ मन्दिरका मूल भट्ट गणेश भट्टसँग रूद्राभिषेक पूजा गर्नुभएको हो ।
रूद्राभिषेक पूजा भगवान पशुपतिनाथको कृपा प्राप्तिका लागि गरिने पूजा हो । रूद्राभिषेक पूजामा भगवान शिवको विभिन्न रूप मध्येको एक शिवलिङ्गको पूजा अर्चना गरेर अभिषेक गरिन्छ ।
पूजापछि मिश्रले यो देश आफ्नै जीवनकालमा रूपान्तरण गर्न सकियोस् भन्ने कामना गरेको बताउनु भयो ।
मिश्रले पछिल्लो समयमा संवैधानिक राजसंस्था, संघीयता खारेजी तथा हिन्दू–वौद्ध राष्ट्रको एजेण्डालाई उठाईरहनु भएकाे छ ।
काठमाडौँ क्षेत्र नम्बर १ मा यसपटक नेपाली काँग्रेसका प्रकाशमान सिंह र राप्रपाका रवीन्द्र मिश्रबीच प्रतिस्पर्धा हुँदैछ ।
२०७४ सालको प्रतिनिधि सभाको निर्वाचनमा पनि यी दुईबीच यहीँ निर्वाचन क्षेत्रमा रोचक प्रतिस्पर्धा भएको थियो। उति बेला मिश्र विवेकशील साझाबाट उम्मेदवार बन्नुभएको थियो । यहाँ यसपटक एमालेले यो क्षेत्रमा युवा सङ्घको अध्यक्ष समेत रहेका किरण पौडेललाई उम्मेदवार बनाएको छ।
Like
Love
Happy
Surprised
Sad
Excited
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर