गुल्मी । नेपाली कांग्रेसका नेता धनेन्द्र कार्किले आफुले हुनै नसक्ने सपना नबाड्ने बताउनुभएको छ । आज रुरुक्षेत्र गाउँपालिकाको मुसिडाडामा आयोजित एक कार्यक्रमलाई संबोधन गर्दै कार्किले मत दिईहाल्छन कि भन्दै नहुने सपना नबाड्न समेत आग्रह गर्नुभएको हो ।
'सधै नागरिकलाई दास सम्झनेहरुले अहिले पनि उहीँ पानीजहाज, पाईपबाट ग्यास, पहाडमा रेल भन्दै कुदिरहेका छन । नेताले बोल्दैमा हुने होईन त्यसका निम्ति राज्यको श्रोतसाधन र जनताको तत्कालको आवस्यक जे छ त्यसैलाई केन्द्रबिन्दुमा राखेर योजनाबद्ध बिकास गरिनुपर्छ' गुल्मी क्षेत्र न १ प्रदेश (ख) का उम्मेदवार कार्किले भन्नुभयो ।
कार्यक्रममा उपस्थितलाई संबोधन गर्दै उहाँले आफुले प्रदेश सांसदको रुपमा गएपछी यहाँका नागरिक र सरकारको बीचमा पुलको काम गर्ने प्रतिबद्धता व्यक्त गर्नुभयो । उहाँले यहाँको मुख्य समस्या बसाइँसराइ भएको भन्दै यहाँ गुणस्तरीय स्वास्थ्य र सर्वसुलभ शिक्षाको प्रवन्ध गरेर बसाइँसराइ रोकि गाउँमा रोजगारीको प्रवन्ध गर्नु मुख्य उद्देश्य रहेको प्रतिबद्धता व्यक्त गर्नुभयो । कार्यक्रममा नेपाली कांग्रेसका प्रभावशाली नेता, संविधान सभा सदस्य डा. चन्द्र भण्डारीलगायत गठबन्धनका नेताकार्यकर्ताको उपस्थिति रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच