आँबुखैरेनी । तनहुँको आँबुखैरेनी गाउँपालिकाले आँबुखैरेनी अस्पताल संचालनमा ल्याएको छ । गाउँपालिकाले १५ बेडको आँबुखैरेनी अस्पतालको सेवा आजदेखि सुरु गरेको हो । आँबुखैरेनी गाउँपालिकाका अध्यक्ष श्री शुक्र चुमानको अध्यक्षतामा अस्पतालकाे शुभारम्भ गरिएकाे थियाे ।
गाउँपालिकाको नवनिर्मित भवन अगाडी पहिले वडा २ र ३ को कार्यालय रहेको सामुदायिक भवनलाई अस्पतालमा परिणत गर्दै गाउँपालिकाले अस्पतालको सेवा सुरु गरेको छ । गाउँपालिकाले एक कार्यक्रमको आयोजना गरि अस्पतालको सेवा सुरु गरेको हो ।
सेवा शुभारम्भको अवसरमा बोल्दै जनता माझ आफुले चुनावको बेला गरेको वाचा पूरा गरेको गाउँपालिका अध्यक्ष शुक्र चुमानले बताउनुभयाे । उहाँले भन्नुभयाे ‘सरकारी स्तरबाटै स्थानीय रुपमा अस्पताल संचालनमा ल्याएसँगै स्थानीय नागरिकले उपचारको लागि महंगा निजि अस्पताल जानुपर्ने बाध्यात्मक अवस्थाबाट मुक्त हुनेछ’ । अब सामान्य नागरिकले पनि सर्वसुलभ मूल्यमा गुणस्तरीय स्वास्थ्य सेवा पाउने वातावरण बनेको उहाँले बताउनुभयाे ।
अस्पतालमा अहिले एक जना डाक्टरको मेडिकल टिमले सेवा दिनेछ भने आवश्यकताअनुसार थप स्वास्थ्यकर्मी र डाक्टर व्यवस्था गर्नेछ । यस्तै गाउँपालिकाले डाक्टरसहितको मोबाइल टिम टोल टोलमा पुगि जनताको स्वास्थ परिक्षण गर्नका निम्ति समेत योजना बनाएको अध्यक्ष चुमानले बताउनुभयाे।
असुपतालले OPD सेवा, ल्याव, X-Ray, ECG, USG, इमर्जेन्सी, Impatient, OT, खोप, DOTS, CBIMNCI, फार्मेसी, सुरक्षित मातृत्व, परिवार नियोजनलगायतका सेवाहरु प्रदान गर्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच