बैतडी जीप दुर्घटना, मृत्यु हुनेको संख्या चार पुग्यो

घाइतेको उद्दारका लागि सुर्खेतबाट नेपाली सेनाको हेलिकप्टर बोलाइयो

हिमालय टाइम्स
Read Time = 2 mins
A A- A+

बैतडी । बैतडीमा प्रहरी बोकेको जीप सोमबार बिहान दुर्घटना हुँदा चार जनाको मृत्यु भएको छ । दशरथचन्द राजमार्ग अन्तर्गत पाटन नगरपालिका-४ निङ्लाडी खोला भन्ने स्थानमा से १ ज ८५४ नम्बरको जिप दुर्घटनामा परेको हो ।

बैतडीका प्रमुख जिल्ला अधिकारी सुरेश पन्थीका अनुसार दुर्घटनामा परेर जीपमा सवार चार जना प्रहरीको मृत्यु भएको हो । उनीहरुको सनाखत हुन बाँकी रहेको छ ।

जिल्ला सदरमुकाममा मतपेटिका पुर्याएर फर्कदै गरेको प्रहरी टोली सवार जीप दुर्घटनामा परेको हो । दुर्घटनामा परी नौ जना घाइते भएका छन् । घाइतेको उद्धारका लागि सुर्खेतबाट नेपाली सेनाको हेलिकप्टर बोलाइएको बैतडीका प्रजिअ पन्थीले बताउनुभयो ।

जीपमा १२ प्रहरी र एक चालक गरी १३ जना सवार थिए । जिल्ला सदरमुकाममा मतपेटिका पुर्याएर पाटन फर्कंदै गरेको प्रहरी टोली सवार जीप सोमबार बिहान ७ बजे दुर्घटनामा परेको हो । जीप सडकबाट करिब तीन सय मिटर तल खोलामा खसेको थियो । रातभरि मतपेटिका ढुवानी गरिरहेको र चालकलाई अनिदो भएर दुर्घटना भएको हुनसक्ने प्रहरीले जनाएको छ ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?