दोहा । फिफा विश्वकप कतार २०२२ अन्तर्गत समूह ‘ई’ को खेलमा कोस्टारिकाले जापानलाई १–० ले पराजित गरेको छ । अहमद बिन अलि रंगशालामा आइतबार साँझ सम्पन्न खेलमा कोस्टारिकाका लागि खेलको अन्त्यमा फुलर स्पेन्सले निर्णायक गोल गर्नुभयो ।
समूह ‘ई’को पहिलो खेलमा जर्मनीमाथि अप्रत्यासित शानदार जित हात पारेको जापानले यस खेलमा जित हात पारे नकआउट चरणमा प्रवेश गर्ने थियो । तर अन्तिममा सम्हालिन नसक्दा जापानले नकआउट चरणमा प्रवेशका लागि अन्तिम खेल कुर्नुपर्ने भएको छ ।
जर्मनीले पहिलो खेलमा कोस्टारिकामाथि ७–० को फराकिलो जित हात पारेकाले पनि धेरैले यो खेल जापानको पक्षमा जाने सोचेका थिए । तर ८१ औं मिनेटमा फुलरले जापानको सपनालाई पूरा हुन दिनुभएन । उहाँले येल्त्सिन तेजेडाको पासलाई पेनाल्टी क्षेत्रनजिक नियन्त्रणमा लिँदै गोल गर्नुभएको थियो । उहाँको प्रहार गोलरक्षक शुइची गोन्डाको हातमा लाग्दै गोलमा परिणत भएको थियो ।
कोस्टारिकाका लागि भने यो महत्वपूर्ण जित सावित भएको थियो । यो जितसँगै उसको पनि नकआउट चरणमा पुग्ने सम्भावना कायमै छ । खेलमा जापानले अधिकांश डोमिनेट गरेपनि गोल भने गर्न सकेन् । खेल अवधिभर थुप्रै आक्रमण बुनेको जापानले त्यसको सदुपयोग गर्न सकेन । समूहमा स्पेन, जापान र कोस्टारिकाको समान तीन÷तीन अंक छ । यस नतिजासँगै सबै टोलीको अघि बढ्ने सम्भावना उत्तिकै छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच