साहित्यकार कृष्ण जोशीको निधन

हिमालय टाइम्स
Read Time = 1 min
A A- A+

काठमाडौं । साहित्यकार कृष्ण जेशीको निधन भएको छ । ८३ वर्षीय जोशीको काठमाडौंको बागबजार स्थिति मोडल अस्पताल सोमबार राति निधन भएको हो । उहाँ उपन्यास, कविता र गीत लेखनमा प्रतिष्ठित हुनुहुन्छ । प्रशासनिक विषयमा समेत जोशीले पुस्तक लेख्नुभएको छ ।

भोजपुरमा जन्मिनुभएका कवि जोशीका ‘मृत्यु दोहोरिन्छ, म बाँचे भने’ उपन्यास, ‘विसंगत स्वरहरू’, ‘पोखरीभित्रको शताब्दी’, ‘आगो समुद्र : पानी समुद्र’, ‘चित्रदंश’, ‘ज्यामी पत्नीको घोषणा’लगायत कविता संग्रह र ‘असम्मत सम्मत’, ‘काठमाडौं वरिपरि’ उपन्यास प्रकाशित छन् ।

वासु शशी साहित्य प्रतिष्ठानका पूर्वअध्यक्षसमेत रहनुभएका जोशी व्यथित काव्य पुरस्कार, भानुभक्त पुरस्कार, भोजपुरे सेवा समाज साहित्य सम्मानलगायतबाट सम्मानित हुनुहुन्छ । उहाँको मंगलबार पशुपति आर्यघाटमा दाहासंस्कार गरिएको छ । उहाँका चार छोरा र एक श्रीमती हुनुहुन्छ ।

guest
0 Comments
Inline Feedbacks
View all comments

रिलेटेड न्युज

छुटाउनुभयो कि ?