काठमाडौं । महिला हिंसा विरुद्धको १६ दिने अभियान चलिरहेका बेला न्याय माग्न सर्वाेच्च अदालत पुग्नुभएकी बिनु यादवलाई अदालतकै गेटबाट प्रहरीले नियन्त्रणमा लिएको छ । श्रीमान्बाट आफूमाथि हिंसा भएको र त्यसविरुद्ध न्याय माग्न जाँदा कतैबाट नपाएको गुनासोसहित मंगलबार उहाँ सर्वाेच्च अदालत पुग्नुभएको थियो । तर, ट्याक्सीबाट ओलिर्नेबित्तिकै सुरक्षाकर्मीको घेरामा पर्नुभएकी उहाँले आफूले बोकेर गएको रातो रंग सर्वाेच्च अदालतको गेटमा फ्याक्नुभयो । घोलिइरहेको रातो रंग गेटमा पोख्नुभएकी उहाँलाई तत्कालै प्रहरीले नियन्त्रणमा लिएर गाडीमा राखेको थियो ।
आफूमाथि भएको हिंसा र न्याय नपाएको विरोधमा रातो रंग फ्याक्नुभएकी उहाँले भन्नुभयो, ‘सबै बिक्यो, अदालत बिक्यो, न्यायाधीश बिक्यो, मैले कहाँबाट न्याय पाउने ? १६ दिने अभियान चलाइराख्दा खै पीडितलाई न्याय ?’ उहाँले भनेजस्तै ३१औँ अन्तर्राष्ट्रिय महिला हिंसा विरुद्धको १३ दिने अभियान संसारभर चलिरहेको छ । तर, दैनिकजसो महिला हिंसामा परेको, हत्या भएको, न्याय नपाएको घटना सार्वजनिक भइरहेका छन् ।
उहाँको मुद्दा पाटन उच्च अदालतमा विचाराधीन छ । तर, न्यायका लागि भन्दै उहाँ सडक संघर्षमा उत्रिन थाल्नुभएको हो । केही महिनाअघि रामेछाप जिल्ला अदालतको इजलासमै विष सेवन गरेर आत्महत्या प्रयाससमेत गर्नुभएकी उहाँले आफूमाथि श्रीमानसहित घरपरिवारबाट शारीरिक र मानसिक रूपमा हिंसा भएको बताउँदै आउनुभएको छ । काका ससुरा पवन कठायतले आफूमाथि बलात्कार प्रयास गरेको उहाँको आरोप छ । बिनुसँगै ज्यास्मिन ओझालाई पनि प्रहरीले नियन्त्रणमा लिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच