समानुपातिक मतगणना अन्तिम चरणमा, कुन दलले कति मत पाए ?

एकीकृत समाजवादीले थ्रेसहोल्ड नकटाउने निश्चित

हिमालय टाइम्स

Sunday December 4, 2022

Read Time = 6 mins

डिजिटल संस्करण

आम निर्वाचन २०७९

A A- A+

काठमाडौं । यही मंसिर ४ मा सम्पन्न प्रतिनिधिसभा सदस्य तथा प्रदेशसभा सदस्य निर्वाचनअन्तर्गत जारी मत गणना अब सकिने चरणमा पुगेको छ। पछिल्लो नतिजाअनुसार प्रतिनिधिसभा प्रत्यक्षतर्फका १६५ सिटमध्ये १६३ वटाको अन्तिम परिणाम सार्वजनिक भइसकेको छ।

प्रतिनिधि सभा सदस्यको समानुपातिक प्रणालीतर्फ हालसम्म एक करोड चार लाख २० हजार १२५ मतगणना सम्पन्न भएको छ ।

निर्वाचन आयोगको सूचना प्रणालीमा प्रविष्ट भएअनुसार नेकपा एमालेले २७ लाख ८८ हजार ३५६ मत प्राप्त गरेको छ भने नेपाली कांग्रेसले २६ लाख ६० हजार २४६ मतसहित दोस्रो स्थानमा रहेको छ । एघार लाख ६२ हजार १२४ मतसहित नेकपा ९माओवादी केन्द्र० तेस्रो स्थानमा छ ।

राष्ट्रिय स्वतन्त्र पार्टी ११ लाख २४ हजार ५४३ मत पाउँदा राष्ट्रिय प्रजातन्त्र पार्टीले पाँच लाख ८६ हजार ६३८ मत पाएको छ ।

यसै निर्वाचनबाट उदाएको जनमत पार्टीले तीन लाख ९४ हजार ५२३ मत ल्याएको छ ।

नेकपा (एकीकृत समाजवादी) भने थ्रेसहोल्ड नकटाउने निश्चित भएको छ । बाँकी रहेका दोलखा र बाजुराको मतगणनासमेत अन्तिम चरणमा पुगेका बेला एकीकृत समाजवादीले दुई लाख ९४ हजार ३६२ मत पाएको छ ।

आयोगका अनुसार नेकपा एमाले, नेपाली कांग्रेस, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी र जनमत पार्टीले राष्ट्रिय दलको मान्यता पाइसकेका हुन्।

लगभग डेढ लाख मत गन्न बाँकी रहँदा सत्तारुढ नेकपा एकीकृत समाजवादी पनि थ्रेसहोल्ड कटाउने संघर्ष गरिरहेको छ। अब बाजुरा र दोलखाको नतिजा आउन बाँकी छ। त्यहाँ मत गणना जारी छ।

समानुपातिकतर्फ हालसम्म दलहरूले ल्याएको मत

नेकपा एमाले
२७,८८,३५६

नेपाली कांग्रेस
२६,६०,२४६

(नेकपा माओवादी केन्द्र/नेपाल समाजवादी पार्टी)
११,६२,१२४

राष्ट्रिय स्वतन्त्र पार्टी (रास्वपा)
११,२४,५४३

राष्ट्रिय प्रजातन्त्र पार्टी (राप्रपा)
५,८६,६३८

जनता समाजवादी पार्टी, नेपाल (जसपा)
४,२०,९४६

जनमत पार्टी
३,९४,५२३

नेकपा एकीकृत समाजवादी
२,९४,३६२

नागरिक उन्मुक्ति पार्टी
२,७१,६६२

लोकतान्त्रिक समाजवादी पार्टी नेपाल (लोसपा)
१,६७,२८१

नेपाल मजदुर किसान पार्टी (नमकिपा)
७५,०५७